Michaił Mustyhin naradziŭsia ŭ padmaskoŭnaj Kałomnie i pačaŭ karjeru ŭ CSKA, ale najiarčej jahony talent raskryŭsia ŭ minskim «Dynama». Michaił Mustyhin hulaŭ za staličny kłub z 1962-ha pa 1972 hady. Za hety čas jon pravioŭ u składzie minčukoŭ 234 matčy, zabiŭšy 90 miačoŭ. U 1963 hodzie staŭ bronzavym pryzioram čempijanatu Savieckaha Sajuza. U 1965 hodzie byŭ finalistam rozyhryšu Kubka SSSR. U 1967 hodzie Mustyhin staŭ najlepšym bambardziram čempijanatu SSSR, zabiŭšy 19 miačoŭ.
Padčas vystupaŭ za minskaje «Dynama» Michaił Mustyhin lepš za ŭsio ŭzajemadziejničaŭ z Eduardam Małafiejevym — ich atakujučy tandem ličyŭsia adnym z samych jarkich u Savieckim Sajuzie.
Paśla zakančeńnia hulniavoj karjery Michaił Mustyhin doŭhija hady pracavaŭ trenieram dziciača-junackich futbolnych škoł Minska. Siarod jaho vychavancaŭ niamała viadomych futbalistaŭ, u liku jakich i były hałoŭny trenier barysaŭskaha BATE, «Dynama-Minsk» i nacyjanalnaj zbornaj Biełarusi Ihar Kryvušenka.
