Jak paviedamlaje BAŽ, svajaki Siarhieja atrymali ad jaho dva listy zapar, u jakich jon skardzicca, što pa-raniejšamu nie maje ŭ nieabchodnaj kolkaści tabletak:
«Mocna zachvareŭ, padniałasia tempieratura i abvastryŭsia hajmaryt. Piša, što hetym razam prychapiła hruntoŭna. Ale tolki kali adkryŭsia rezki kašal, lekar daŭ antybijotyk i navat dazvoliŭ dva dni paścielnaha režymu — samo pa sabie niebyvałaje pasłableńnie. Pa-raniejšamu prablemy z sercam, zdaryŭsia prystup miarcalnaj arytmii, bo dla ekanomii tabletak, jakija zakančvajucca, užyvaje tolki pałovu ad nieabchodnaha. Leki, što my vysyłali raniej, nie addajuć, choć jon rehularna źviartajecca. Na žal, chvaravity stan ihnarujuć».
Kab rezka nie spyniać pryjom tabletak, Sacuk vymušany istotna źmianšać dozu, kab chapiła na bolš praciahły termin. Bolšuju častku listoŭ ad rodnych jamu nie pieradajuć. Akramia taho, palitviaźnia ź nieviadomych pryčyn rehularna pieravodziać z adnoj kamiery ŭ inšuju.
Nahadajem, žurnalistu prysudzili 8 hadoŭ kałonii — jaho abvinavacili pa troch artykułach Kryminalnaha kodeksa: č. 2 art. 430 (atrymańnie chabaru), č. 2 art. 130 (raspalvańni inšaj sacyjalnaj varožaści), č. 2 art. 426 (pieravyšeńnie ŭłady albo słužbovych paŭnamoctvaŭ).
Padtrymajcie Siarhieja: Turma №4, 212011, Mahiloŭ, Krupskaj, 99A, Siarhiej Viktaravič Sacuk.
