Skrynšot videa z sacsietak
Adna ź viersij — za atakami staić Izrail. Za niekalki hadzin da vybuchaŭ premjer-ministr Izraila Bińjamin Nietańjachu vystupiŭ z zajavaj, što jany zrobiać nieadkładnyja kroki dla baraćby z teraryzmam. 27 studzienia ŭ Ijerusalimie byŭ terakt kala sinahohi, dzie byli zastrelenyja siem čałaviek.
Telekanał Al Arabiya sa spasyłkaj na svaje krynicy paviedamiŭ, što da ŭdaru bieśpiłotnikaŭ na zavod bojeprypasaŭ u Isfachanie datyčnyja ZŠA i jašče adna kraina. Naniasieńnie ŭdaraŭ jany źviazvajuć ź niadaŭnim vizitam u Izrail kiraŭnika amierykanskaha CRU Uiljama Biornsa i jaho sustreču z kiraŭnikom Masada Davidam Barniea.
Telekanał Al Hadath sa spasyłkaj na amierykanskija krynicy paviedamlaje, što Izrail nie maje dačynieńnia da ataki na iranskija vajskovyja abjekty. Meta apieracyi, pavodle telekanała, padać sihnał Iranu i Rasii, što ekspart balistyčnaj zbroi zabaronieny.
Nahadajem, Ministerstva abarony Irana paćvierdziła ataku bieśpiłotnikaŭ na centr vytvorčaści bojeprypasaŭ u Isfachanie. Jano zajaviła, što adzin ź bieśpiłotnikaŭ byŭ źbity SPA, dva inšyja trapili ŭ abarončyja pastki i ŭzarvalisia, piša Iribnews. Kamu naležać tyja bieśpiłotniki, nie paviedamlałasia.
Pobač ź Isfachanam znachodzicca zavod pa vytvorčaści dronaŭ-kamikadze Shahed 131/136.
Pavodle paviedamleńniaŭ miascovych ahienctvaŭ navin i ŚMI, ataka była taksama na zavod pa vytvorčaści mašynnaj alivy ŭ Šachid-Salimi, na avijabazu ŭ Dyzfule, byli pažary ŭ niekatorych inšych haradach.
Pažary miascovyja ŭłady paźniej patłumačyli tym, što reziervuary z naftapraduktarami ŭzarvalisia nibyta ad śpioki.
