«I ja sapraŭdy ličyŭ, što NATA stvaryŭ hetuju prablemu ŭ mnohich dačynieńniach, spyniŭšy svajo pašyreńnie i pakinuŭšy šeruju zonu ŭ Małdovie, Biełarusi, Ukrainie, dazvoliŭšy tym samym ruskim stvarać prablemy tam. Tady Pucinu było b składaniej nastupać, kali b Łukašenka byŭ na našym baku.
A kali jon byŭ słaby, my mahli b usio ŭziać u svaje ruki i adbić Danbas. Tak, pravilna. I ja dumaju, u ZŠA heta znajšło b vielmi vialikuju padtrymku. Tak što ŭ nas było šmat stračanych mahčymaściaŭ, u hetym niama nijakich sumnievaŭ», — zajaviŭ jon.
Bołtan pryznaŭsia, što nie moh zrazumieć, ci ščyry ź im Łukašenka.
«Ale kali źjavilisia antyłukašenkaŭskija siły, ja, biezumoŭna, padtrymaŭ ich pamknieńni.
Ale realnaje pytańnie zaklučajecca ŭ tym, jak realizavać hetyja pamknieńni, kab Biełaruś znoŭ nie była pahłynutaja Rasijaj. Chto viedaje, choča Łukašenka stać druhoj skrypkaj u Rasii ci nie choča, ale jon dakładna nie choča, kab narod paviesiŭ jaho na lichtarni kala adnaho ź jahonych prezidenckich pałacaŭ.
Tak što heta była jašče adna mahčymaść, jakuju, jak mnie ŭjaŭlajecca, my stracili», — ličyć jon.
«Ale vy dapamahli. I Cichanoŭskaj taksama. Tak što kali b vy mahli dapamahčy joj našmat macniej, ja dumaju, my mahli b damahčysia bolšaha», — skazaŭ Bołtanu surazmoŭca.
«Tak, dumaju, my jašče mnohaje možam zrabić. Ja dumaju, što ŭ płanie biaśpieki va Uschodniaj Jeŭropie, kali my stracim Biełaruś i jana dastaniecca Rasii.
Što b ni zdaryłasia z vajennaha punktu hledžańnia va Ukrainie, ja dumaju, što ŭ vyniku my atrymajem pieramohu. Ale my mahli stracić Biełaruś i biez boju. I heta prosta pryviało b da taho, što Ukraina, Polšča i krainy Bałtyi apynulisia b stratehična ŭ vielmi i vielmi niavyhadnym stanoviščy», — miarkuje jon.
U žniŭni 2019 hoda paśla vizitu va Ukrainu i Małdovu Bołtan pryjechaŭ u Minsk, dzie sustreŭsia z Łukašenkam, a taksama ministram zamiežnych spraŭ Uładzimiram Makiejem. Paźniej jon užo ŭ Varšavie pravioŭ pieramovy z kiraŭnikami Rady biaśpieki Biełarusi, Ukrainy i Polščy.
Čytajcie taksama:
Bołtan źbirajecca ŭ prezidenty. Jon try hady tamu pryjazdžaŭ u Minsk
Były daradca Trampa prapanuje Zachadu dać Łukašenku nadziejnyja harantyi, a Pucinu — «Paŭnočny patok»
Bołtan: Łukašenka, źviarnuŭšysia pa dapamohu da Rasii, admaŭlajecca ad ułady ŭ Minsku
