GLSDB. Fota: defence-ua.com
Hienierał raskazaŭ pra ŭzbrajeńni, jakija ŭvojduć u hety pakiet: «Pakiet uklučaje ŭ siabie supraćtankavyja rakiety Javelin, artyleryjskija bojeprypasy, a taksama zvyčajnyja i dalnabojnyja rakiety dla HIMARS».
Sa słoŭ Rajdera stała viadoma, što Złučanyja Štaty dakładna majuć namier pieradać Ukrainie snarady GLSDB ź sistemaj samanaviadzieńnia.
«U ramkach prahramy USAI my damo Ukrainie GLSDB», — padkreśliŭ hienierał, adkazvajučy na pytańnie žurnalista.
Heta pieršaje aficyjnaje pacviardžeńnie, što ZŠA hatovyja ŭklučyć u dapamohu Ukrainie hety typ bojeprypasaŭ ź sistemaj samanaviadzieńnia na cel i dalokaściu da 150 km. Raniej usia infarmacyja ab mahčymaści pastaŭki USU takich bojeprypasaŭ pachodziła ź nieaficyjnych abo ananimnych krynic.
GLSDB spałučaje kryłatuju avijabombu małoha dyjamietra GBU-39 z razhonnym błokam ad reaktyŭnaha snarada M26, jakuju možna zapuskać z HIMARS/MLRS. Naviadzieńnie na cel — praz GPS i iniercyjnaje. Paśla zapusku bomba addzialajecca ad rakiety ŭ palocie, vypuskaje minikryły i ŭžo tak lacić da celi.
