Hleb Hładkoŭski. Fota z sacyjalnych sietak
Viadoma, što Hlebu vystavili abvinavačvańnie pavodle č. 1 art. 368 Kryminalnaha kodeksa (abraza Łukašenki), art. 198 KK (pieraškoda zakonnaj prafiesijnaj dziejnaści žurnalista), č. 3 art. 361 KK (zakliki da mier abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś), č. 1 art. 130 KK (raspalvańnie inšaj sacyjalnaj varožaści).
Spravu razhladała sudździa Śviatłana Čarapanava.
Hleb Hładkoŭski — viadomy arhanizatar aerazdymak kvadrakoptarami. Byŭ zatrymany 30 vieraśnia 2021 hoda ŭ Breście pavodle kryminalnaj spravy, raspačataj za kamientaryi ŭ internecie paśla hibieli supracoŭnika KDB Dźmitryja Fiedasiuka i it-śpiecyjalista Andreja Zielcera. Viadoma, što Hleb pakinuŭ paviedamleńnie «Dimon tu-du-tu» (pavodle muzyki ź filma «Bumier»).
Sačatku Hładkoŭskaha ŭtrymlivali ŭ ST-8 u Žodzinie, u siaredzinie maja 2022 h. stała viadoma ab pieravodzie palitviaźnia ŭ SIZA-1 Minska. 8 listapada raspačaŭsia razhlad spravy.
Sud pryznaŭ Hleba Hładkoŭskaha vinavatym i pryznačyŭ jamu pakarańnie ŭ vyhladzie pazbaŭleńnia voli va ŭmovach ahulnaha režymu terminam na piać hadoŭ.
