Z dakumienta vynikaje, što AAT «Hazpram transhaz Biełaruś «abaviazvajecca pastaŭlać u Respubliku Biełaruś pryrodny haz da 2025 hoda pa siami ŭzajemaźviazanych dahavorach pastaŭki: u adras UP «Minskabłhaz», UP «Minhaz», UP «Brestabłhaz», UP «Hrodnaabłhaz», RVUP «Homielabłhaz», UP «Viciebskabłhaz», RUP «Mahiloŭabłhaz». Hetyja hazazabieśpiačalnyja arhanizacyi abaviazvajucca pryniać paliva, a DVA «Biełpalivahaz» — apłacić jaho.
Raźlikovy košt impartavanaha hazu ŭ 2023—2025 hadach pa siami ŭzajemaźviazanych dahavorach pastaŭki aryjencirovačna składzie 250 młrd rasijskich rubloŭ ($3,5 młrd pa biahučym kursie) štohod z ulikam PDV. Heta 257,12% koštu aktyvaŭ hazpramaŭskaj «dački» ŭ Biełarusi.
Taksama «Hazpram» padoŭžyŭ kantrakt na transparciroŭku hazu cieraź Biełaruś, zaklučany ŭ śniežni 2014 hoda. Košt pasłuh pa transparciroŭcy hazu vyznačany ŭ abjomie 12 młrd rasijskich rubloŭ ($169,8 młn) u hod.
U 2023 hodzie Rasija pahadziłasia pradavać haz Biełarusi pa cenach 2022-ha — $128,5 za 1000 kubamietraŭ. Pa damoŭlenaści z Rasijaj respublika budzie apłačvać haz u 2023 hodzie ŭ rasijskich rublach.
U spravazdačy Jeŭrapiejskaj kamisii ab stanie hazavaha rynku pa vynikach III kvartała 2022 hoda havaryłasia, što padzieńnie pastavak rasijskaha hazu ŭ ES cieraź Biełaruś skłała 96%.
U 2019 hodzie Biełaruś impartavała 20,261 młrd kubamietraŭ rasijskaha hazu, u 2020-m abjom pastavak źniziŭsia na 9%.
