Sudździa Natalla Budnik pryznała jaho vinavatym pavodle art. 368 Kryminalnaha kodeksa i ahučyła prysud: prymusovaje lačeńnie ŭ stacyjanary, paviedamlaje «Viasna».
Abvinavačańnie było ŭpeŭnienaje, što ciaham 2020-2021 hadoŭ Aŭdziejeŭ pakidaŭ u sacsietkach kamientaryi, jakija abražali Łukašenku. Jano paličyła kamientaryi «hramadska niebiaśpiečnaj dziejaj».
Sudovaja psichijatryčnaja ekśpiertyza vyjaviła ŭ mužčyny psichičnaje zachvorvańnie, praź jakoje jon nie moh razumieć charaktar i hramadskuju «niebiaśpieku» svaich dziejańniaŭ.
Abarona Aŭdziejeva jašče 7 kastryčnika 2022 hoda abskardziła ŭ sudzie ŭtrymańnie mužčyny albo pad «chatnim aryštam», albo ŭ sudova-psichijatryčnym stacyjanary. Vyniki abskardžvańnia nieviadomyja.
0
0
0
2
1
13
