Apieratyŭniki Zavodskaha RUUS ustanavili, što da ašukanskaj schiemy datyčny 30-hadovy žychar stalicy, paviedamlaje «Milicyja Minska».
Mužčyna raźmiaściŭ na adnoj z handlovych internet-placovak abjavu pra aptovy prodaž harodniny i sadaviny. Praz čas ź im źviazaŭsia zamiežnik i paviedamiŭ, što hatovy nabyć 22 tony bulby. Dla apłaty tavaru pakupnik uziaŭ u banku kredyt, paśla čaho pieravioŭ hrošy na kartu pradaŭca.
Pastaŭka tavaru praviedzienaja nie była. Niahledziačy na šmatlikija pieramovy z pradaŭcom, viarnuć hrošy samastojna nie ŭdałosia.
Nieŭzabavie minčuk byŭ zatrymany. Jon rastłumačyŭ, što «vyručku» ŭ pamiery bolš za 8400 rubloŭ mienš čym za 2 hadziny prajhraŭ u bukmiekierskaj kantory.
Śledčymi raspačataja kryminalnaja sprava za machlarstva.
