Prakuratura Viciebskaj vobłaści nakiravała ŭ sud Vierchniadźvinskaha rajona kryminalnuju spravu suprać 61-hadovaha žychara Vierchniadźvinskaha rajona D. Mužčynu vinavaciać u paškodžańni majomaści Borkavickaha sielvykankama i źniščeńni majomaści jaho staršyni.
Jak piša prakuratura, D. vyrašyŭ adpomścić staršyni sielvykankama za prafiłaktyčnuju rabotu, jakuju taja pravodziła ź im. Nočču 15 vieraśnia 2022 hoda ŭ stanie ałkaholnaha apjanieńnia jon tajemna prakraŭsia na terytoryju doma, u jakim pražyvała staršynia, paśla čaho abliŭ bienzinam jaje aŭto Volkswagen Polo i padpaliŭ jaho.
U vyniku mašyna i toje, što ŭ joj lažała, było źniščana.
Škoda pa spravie pieravysiła 23 tysiačy rubloŭ.
Akramia taho, ahoń paškodziŭ majomaść Borkavickaha sielvykankama koštam zvyš 970 rubloŭ.
Na mužčynu zaviali spravu pa č. 2 art. 218 Kryminalnaha kodeksa (naŭmysnaje źniščeńnie ci paškodžańnie čužoj majomaści).
Mužčyna da suda znachodzicca za kratami.
