Pucin pryjechaŭ u akupavany Maryupal nočču 19 sakavika. Skryn videa
Pieršapačatkovaje videa, apublikavanaje na sajcie Kramla ŭ niadzielu, doŭžyłasia 27 chvilin 8 siekund. Skandalny momant adbyŭsia na admietcy 22:30. Adrazu paśla razmovy ź vice-premjeram Maratam Chusnulinym prezident Rasii padychodzić da miascovych žycharoŭ. Tyja nie vierać u pryjezd Pucina, adzin ź ich kaža: «Ja navat nie čakaŭ». Pucin adkazvaje: «Takaja praca». I ŭ hety momant nieviadomaja žančyna kryčyć: «Heta ŭsio niapraŭda! Heta ŭsio napakaz!». Paśla hetaha Chusnulin pačynaje źbiantežana ŭśmichacca, a achova Pucina azirajecca pa bakach.
Novaja viersija videazapisu doŭžycca 30 chvilin 52 siekundy i značna pieramantavanaja.
Vykryk nieviadomaj žančyny vydaleny.
Pra pakazuchu žychary Maryupala pisali i ŭ haradskich čatach. Pavodle ich, Pucin naviedaŭ adziny adbudavany haradski mikrarajon — «Nieŭski». Heta aburyła ludziej. «Škada, što jon da našaha doma nie padjechaŭ, levy bierah, płošča! Biez voknaŭ, bieź dźviarej, biez haračaj vady i aciapleńnia. Pahavaryŭ by ź miascovymi žycharami», — aburalisia maryupalcy.
Čytajcie taksama:
