Ryhor Łaźko. Fota: «Nastaŭnickaja hazieta»
Premija prysudžajecca kožnyja dva hady za najlepšuju navukovuju pracu (ci cykł prac) z historyi biełaruskaha sacyjalistyčnaha ruchu i biełaruskaj dziaržaŭnaści, a taksama za pracy, pryśviečanyja dziejačam biełaruskaha sacyjalistyčnaha ruchu.
Pieršaja premija była prysudžana ŭ 2021 hodzie Alaksieju Jelisiejevu za knihu «Źmicier Žyłunovič: Čyrvony adradženiec».
Sioleta premijaj imia Michasia Tkačova ŭhanaravany Ryhor Łaźko.
Ryhor Łaźko naradziŭsia ŭ 1948 hodzie. Jon doktar histaryčnych navuk, prafiesar, da niadaŭniaha času pracavaŭ na kafiedry ŭsieahulnaj historyi Homielskaha dziaržaŭnaha ŭniviersiteta imia Francyska Skaryny. Daśledavaŭ palityku Polščy ŭ 1918—1939 hh., polska-biełaruskija adnosiny, a taksama biełaruskija prablemy ŭ polska-savieckich adnosinach.
Premijaj imia Michasia Tkačova prafiesar Ryhor Łaźko ŭhanaravany za apublikavanyja ŭ 2005—2021 hh. artykuły, u jakich daśledujucca peŭnyja momanty z historyi Biełaruskaj Narodnaj Respubliki, a taksama padziei, što papiaredničali abviaščeńniu Biełaruskaj Savieckaj Sacyjalistyčnaj Respubliki.
