Cieła było znojdzienaje ranicaj u paniadziełak 27 sakavika na adchonie pobač z parkoŭkaj dla dalnabojščykaŭ «Kvilervald» na trasie VAV 7 u napramku ruchu na poŭnač.
U hetym rajonie vioŭsia intensiŭny pošuk u suviazi sa źniknieńniem 32-hadovaha kiroŭcy fury ź Biełarusi. Jaho hruzavik niekalkimi dniami raniej znajšli na parkoŭcy. Vyjaŭlenaje cieła adpaviadaje apisańniu źnikłaha.
Adnak dakładna asoba i pryčyny hibieli čałavieka jašče nie ŭstanoŭlenyja. Budzie praviedzienaja sudova-miedycynskaja ekśpiertyza.
U ciapierašni čas pravaachoŭniki horada Chombierh viaduć rasśledavańnie. Prykmiet hvałtoŭnaj śmierci na hety momant niama.
