Fota: AP
ISW nahadvaje, što, pavodle jaho ŭražańnia, Pucin ličyć niebiaśpiečnym dla stabilnaści svajoj ułady adpraŭlać na vajnu maładych pryzyŭnikoŭ i tamu zrabiŭ staŭku na mabilizacyju reziervistaŭ i nabor dobraachvotnikaŭ.
Tamu pryzyŭniki, chutčej za ŭsio, vajavać nie pajeduć, ale ich usio roŭna taksama treba dzieści navučać.
«Navučalnyja mahutnaści Rasii abmiežavanyja, i toje, što ich zojmuć pryzyŭniki, jakija nie buduć vajavać va Ukrainie ŭ 2023 hodzie, pazbaŭlaje Kreml mahčymaści navučać reziervistaŭ i dobraachvotnikaŭ, jakija vajavać buduć», — razvažajuć aŭtary zvodki ISW.
Jany miarkujuć, što rasijskaja dziaržava moža pasprabavać nabrać papaŭnieńnie dla čaściej va Ukrainie, prymušajučy abo ŭhavorvajučy padpisać kantrakt niejkuju častku sałdat, što zakančvajuć słužbu pa pryzyvie i ŭžo ŭ niejkaj miery padrychtavanyja da taho, kab vajavać.
«Ale nakolki paśpiachovym moža być takoje rašeńnie, nie jasna», — adznačajuć analityki Instytuta vyvučeńnia vajny.
Čytajcie taksama:
ZŠA aceńvajuć rasijskija straty ŭ vajnie ŭ 220 tysiač vajskoŭcaŭ
Sakratar Rady nacyjanalnaj biaśpieki i abarony Ukrainy: Bachmut dla nas źjaŭlajecca klučavym punktam