Skryn ź videa
Padčas razmovy ŭ efiry źjaŭlajecca i mužčynski hołas. Pałonny kaža, što heta jaho siabar, raskazvaje, što patrapiŭ u pałon i prosić jaho schadzić u vajenkamat dy zapatrabavać, kab jaho ŭklučyli ŭ śpis na abmien.
I siabar, i dziaŭčyna nie adrazu vierać, ale pałonny havoryć im kodavyja pravieračnyja słovy, i jany pierakonvajucca, što heta sapraŭdy jon. Pradstaŭnik pałka ŭdakładniaje, što rasijski sałdat znachodzicca ŭ pałonie ŭ biełarusaŭ.
«My čarhovy raz papoŭnili abmienny fond Ukrainy i spadziavajemsia, što heta paskoryć viartańnie našych vajaroŭ z pałonu», — paviedamili ŭ padraździaleńni BPŁA imia Mikity Kryŭcova, jakoje akurat adznačyłasia ŭziaćciem pałonnych.
U kancy červienia minułaha hoda padčas bajoŭ pad Lisičanskam u pałon trapili dva biełaruskija dobraachvotniki z pałka Kalinoŭskaha: Jan Dziurbiejka (pazyŭny Trombli) i Siarhiej Dziohcieŭ (pazyŭny Klešč). Mienavita na ich abmien akurat i spadziavajucca kalinoŭcy.
Čytajcie taksama:
Na Bi-bi-si vyjšaŭ aŭdyjapadkast pra połk Kalinoŭskaha
«Pytańnie stajała tak: ci ja jedu, ci nichto». Manałoh kamandzira evakuacyi pałka Kalinoŭskaha
