Cakratar Rady nacyjanalnaj biaśpieki i abarony Alaksiej Daniłaŭ. Fota: danilov.oleksiy / Facebook
«Mahu skazać, što nijakaha raźmiaščeńnia jadziernaj zbroi na terytoryi Biełarusi nie budzie i być nie moža, pakul Kitaj nie daść dazvoł Pucinu raźmiaścić tam jadziernuju zbroju. Ci daść Kitaj dazvoł Pucinu raźmiaścić jadziernuju zbroju na terytoryi Biełarusi? Ja bolš čym upeŭnieny: nie», — skazaŭ Daniłaŭ.
Jon adznačyŭ, što ni Kitaju, ni Rasii nie patrebna jadziernaja zbroja na terytoryi Biełarusi, a zajavy prezidenta RF — heta prosta šantaž, kab amierykancy pahadzilisia jak maha chutčej pajści na niejkija pieramovy, pahadzilisia spynić vajnu na ŭmovach Rasii.
Sa słoŭ sakratara Rady nacyjanalnaj biaśpieki, rasijanie nie chočuć dalejšaj eskałacyi kanfliktu, a chočuć jak maha chutčejšaha jaho spynieńnia.
«Heta takaja tupaja hulnia Rasii, jakaja ŭvieś čas nakiravana na toje, kab prymusić amierykancaŭ, anhłasaksaŭ iści na pieramovy z rasijanami mienavita pa našym kiejsie», — dadaŭ Daniłaŭ.
Raniej Kitaj u AAN užo vystupaŭ za zabaronu na pieradaču jadziernaj zbroi inšym krainam.
Čytajcie taksama:
Zialenski: Łukašenka ŭžo nie vyrašaje, jakaja zbroja znachodzicca na jaho terytoryi
