Čarha z aŭtobusaŭ pierad punktam propusku «Brest». Fota: telehram-kanał «Varšaŭka Hranica Brest — Tarespal»

Čarha z aŭtobusaŭ pierad punktam propusku «Brest». Fota: telehram-kanał «Varšaŭka Hranica Brest — Tarespal»

Ciaham čaćviarha, 6 krasavika, u punkcie propusku «Brest — Tarespal» nazirajucca čerhi nie tolki ź lehkavych aŭto, ale i z aŭtobusaŭ. «Brest» zastajecca adzinym punktam propusku, i pierad im pačali źbiracca čerhi z rejsavych aŭtobusaŭ. 

Ale i dla hetaha punkta propusku takaja situacyja — davoli redkaja źjava. Polski bok prypyniŭ pracu «Babroŭnikaŭ» (z našaha boku «Bierastavica») z 12:00 10 lutaha biahučaha hoda, heta byŭ adkaz na antypolskija kroki łukašenkaŭskaha režymu, a pieršyja čerhi z aŭtobusaŭ u Breście pačali źjaŭlacca tolki 26 sakavika. Da hetaha času niepasredna pierad zajezdam na terminał, aŭtobusy ŭ čarzie nie źbiralisia. 

Skrynšot z sajta gpk.gov.by

Skrynšot z sajta gpk.gov.by

Ludzi, jakija apošnim časam parasiakali biełaruska-polskuju miažu na aŭtobusach i maršrutkach u punkcie «Brest», kažuć, što na pierachod miažy na aŭtobusie idzie da 15—18 hadzin. Dla paraŭnańnia, na prajezd hranicy na lehkavym aŭto moža spatrebicca kala 30 hadzin.

Skrynšot z telehram-kanała «Varšaŭka Hranica Brest — Tarespal»

Skrynšot z telehram-kanała «Varšaŭka Hranica Brest — Tarespal»

Kab paskoryć praces, karystalniki admysłovych čataŭ dzielacca łajfchakami. Jany rajać sprabavać padsieści ŭ tyja aŭtobusy, što stajać niepasredna pierad šłahbaumam, bo ŭ vialikich aŭtobusach čaściakom zastajucca volnyja miescy.

Situacyja z čerhami na biełaruska-polskaj miažy abvastryłasia paśla zakryćcia polskim bokam «Babroŭnikaŭ» 10 lutaha. Paźniej, 23 sakavika, polski ministr unutranych spraŭ i administracyi Marjuš Kaminski zajaviŭ, što pierachod «Babroŭniki» adnović pracu na nastupny dzień paśla taho, jak palitviazień-palak Andrej Pačobut vyjdzie na volu.

Čytajcie taksama: 

Z-za čerhaŭ na polskaj miažy ŭładalniki pieršačarhovych propuskaŭ nie mohuć imi skarystacca

Na miažy Biełarusi i Rasii źbirajucca šmatkiłamietrovyja čerhi z fur

Клас
19
Панылы сорам
12
Ха-ха
17
Ого
14
Сумна
40
Абуральна
29