Valeryj Varaniecki. Fota: BiełTA

Valeryj Varaniecki. Fota: BiełTA

Valeryj Varaniecki: vystupaŭ u abaronu Kurapat i nacyjanalnaha ściaha

59-hadovy Valeryj Varaniecki ŭ minułym dypłamat. Byŭ pasłom u Słavakii, Aŭstryi i Charvatyi, pastajannym pradstaŭnikom Biełarusi ŭ mižnarodnych arhanizacyjach u Vienie i ŭ ABSIE. U deputatach z 2016 hoda.

«Pa pohladach biełarus», — dajuć jamu acenku ŭ dypłamatyčnych kołach. 

U 2019-m Varaniecki adreahavaŭ na znos kryžoŭ u Kurapatach.

«Pieršaja reakcyja — razhublenaść, bol i tryvoha… Kali my navučymsia, jak u narodzie kažuć, abychodzicca pa-ludsku? Pa-chryścijansku? Nie abražajučy pačućciaŭ i hodnaści adzin adnaho?», — pisaŭ deputat u fejsbuku.

Jon taksama padtrymlivaŭ ideju stvareńnia ŭniviersiteta ź biełaruskaj movaj vykładańnia.

Paśla vybaraŭ jon sustrakaŭsia ź ludźmi sa svajoj akruhi i kazaŭ, što salidarny z pratestoŭcami, jakija aburylisia arhanizacyjaj sioletnich prezydenckich vybaraŭ.

«Na žal, zamiest taho, kab z razumieńniem padyści da hetaha, vyjści na dyjałoh, ułady pakazali siłu. Byŭ piarojdzieny rubikon», — adznačaŭ jon.

U 2021-m Valeryj Varaniecki vykazvaŭsia suprać zabarony bieła-čyrvona-biełaha ściaha.

«Treba mieć na ŭvazie, što bieł-čyrvona-bieły ściah źjaŭlaŭsia pieršym dziaržaŭnym ściaham našaj adrodžanaj biełaruskaj dziaržavy. Pad im jana rabiła pieršyja kroki pa ŭmacavańni svajho nacyjanalnaha suvierenitetu i niezaležnaści. <…> Ź im byli źviazany vielmi važnyja staronki historyi našaj z vami maładoj biełaruskaj dziaržavy. I taptacca pa svaim minułym, kali my hladzim u budučyniu i chočam pabudavać mocnuju, niezaležnuju i kvitniejučuju krainu, na moj pohlad, — niedapuščalna. My pavinny šanavać svaju historyju», — razvažaŭ deputat.

Viadoma, što ŭ 2020-m Varanieckamu prapanoŭvali ŭvajści ŭ Kaardynacyjnuju radu. Jon admoviŭsia, a na nastupny dzień vystupiŭ u haziecie «Źviazda» z prapanovaj stvaryć nacyjanalnuju radu pry ŭładzie.

Varaniecki zastajecca častkaj sistemy.

«Jahonaja biełaruskaść spałučajecca z adsutnaściu voli da dziejańnia. Čałaviek siadzić u Pałacie pradstaŭnikoŭ, ale hałasuje tak, jak treba, navat za samyja represiŭnyja zakony», — kažuć pra Varanieckaha.

«Jon bajaźlivy, jon i tak šmat sabie dazvalaŭ. Kali kazać ahułam, to jon taki ž samy, jak Rumas ci Kałaŭr — usio razumiejuć, ale ničoha nie robiać. A kali kazać pra čałaviečyja jakaści, to jon pryjemny, i da ludziej, ź jakimi pracavaŭ, staviŭsia z pavahaj», — takuju acenku daje deputatu adzin z kaleh.

Jaŭhien Prejhierman: byŭ, faktyčna, pazaštatnym supracoŭnikam Ministerstva zamiežnych spraŭ

Jaŭhien Prejhierman — 36-hadovy vypusknik fakulteta mižnarodnych adnosin Biełaruskaha dziaržaŭnaha ŭniviersiteta, doktar palityčnych navuk. 

Jaŭhien Prejhierman. Archiŭnaje fota

Jaŭhien Prejhierman. Archiŭnaje fota

Vyras u siamji čyhunačnikaŭ. Žonka — śpiecyjalistka pa hiendarnych pytańniach.

Paśla BDU navučaŭsia pa prahramach u Šviecyi i Vialikabrytańni. Dysiertacyju baraniŭ pa zamiežnaj palitycy Armienii. U studenckija časy arhanizavaŭ supołku «Libieralny kłub».

Niekatoryja siabry hetaj arhanizacyi ciapier u vymušanaj emihracyi. 

Choć sam Prejhierman i nie byŭ u «Razumnych sietkach», ale jaho siabry, jakija potym ź im pracavali, — byli. Tamu Jaŭhien, pa vialikim rachunku, pradukt taho ž inkubatara, što i Alaksiej Dziermant, Piatro Piatroŭski. Ale ž heta ptuški roznaha palotu.

Prejhierman trapiŭ u pole zroku makiejeŭskaha MZS.

Sa svaim «Minskim dyjałoham», jaki vyras z «Libieralnaha kłuba», Prejhierman staŭ, faktyčna, pazaštatnym supracoŭnikam Ministerstva zamiežnych spraŭ.

Zachodniki lubiać farmaty dyjałohaŭ, arhanizavanych niaŭradavymi arhanizacyjami — Prejhierman zaniaŭ nišu i adrazu trapiŭ pad abvinavačvańni ŭ rabocie na režym Łukašenki. 

«Biare hrošy na Zachadzie i na ich absłuhoŭvaje biełaruskuju ŭładu», — kazali pra jaho. 

U 2017 hodzie Franak Viačorka nazvaŭ Prejhiermana «členam hrupy padtrymki Łukašenki».

«Paśla taktyčnaj pieramohi pa prypynieńni amierykanskich sankcyj hrupa padtrymki Łukašenki jedzie z hastrolami ŭ Vašynhton. Niaprostaja zadača ŭskładzienaja na namieśnika Makieja Aleha Kraŭčanku i Jaŭhiena Prejhiermana. Im treba pierakanać Zachad, što pasadki i razhony — usiaho tolki techničny zboj, a «libieralizacyja» praciahvajecca. Usio heta anansujecca jak nieabchodnaść praciahu «dyjałohu», chacia heta ŭsio mienš nahadvaje dyjałoh, a chutčej bandycki šantaž: maŭlaŭ, albo vy padtrymajecie Łukašenku, albo my zdajom krainu Pucinu», — vykazvaŭsia Viačorka.

Sam Prejhierman u intervju kazaŭ, što jon nie adbielvaje režymu, a tłumačyć, što Biełaruś — bolš składanaja, čym prosta apošniaja dyktatura Jeŭropy.

Paśla žorstkaha razhonu pratestaŭ u žniŭni 2020 hoda Jaŭhien Prejhierman asudziŭ hvałt siłavikoŭ:

«Navat dla mianie dyjałoh niemahčymy. Kali ty bačyš, da jakoj stupieni źbivajuć ludziej i parušajucca bazavyja pravy čałavieka, dastatkova składana havaryć pra dyjałoh <…> Kali adbyvajucca takija źvierstvy ŭ XXI stahodździ ŭ centry Jeŭropy <…> Miljony ludziej ubačyli hetyja kadry sa źbićciom. I navat tyja, chto raniej byŭ prychilnikam Łukašenki i hałasavaŭ za jaho, bolš nie hatovyja za jaho prahałasavać», — kamientavaŭ jon.

Letam minułaha hoda Prejhierman byŭ adnym ź inicyjataram sustrečy ekśpiertaŭ Sajuznaj dziaržavy ŭ Minsku, dzie abmiarkoŭvałasia sitacyja ź biaśpiekaj u rehijonie paśla pačatku vajny, sankcyi. 

Alaksandr Šviec: kiraŭnik sajuzaŭ pramysłoŭcaŭ

Staršynia Respublikanskaha sajuza pramysłoŭcaŭ i pradprymalnikaŭ 58-hadovy Alaksandr Šviec ŭ 90-ja byŭ pamočnikam ministra finansaŭ. U pačatku nulavych niadoŭhi čas zajmaŭ pasadu pieršaha namieśnika ministra pradprymalnictva i inviestycyj. Paźniej byŭ na kirujučych pasadach u Bielinviestbanku i biełaruskim pradstaŭnictvie kampanii Xerox.

Alaksandr Šviec. Fota: Office Life

Alaksandr Šviec. Fota: Office Life

Sajuz pradprymalnikaŭ uznačalvaje z 2016 hoda. Taksama staršynstvuje ŭ Biełaruskaj navukova-pramysłovaj asacyjacyi.

U 2020-m, kali biznes nios straty praz karanavirus, Šviec ličyŭ niedastatkovymi miery padtrymki, jakija pryniali ŭłady. Jon kazaŭ, što ŭ krasavicki ŭkaz №143 uvajšła tolki maleńkaja častka prapanoŭ, jakija ahučvali biznesoŭcy. I kali padtrymka prapisana niajasna, to karnyja miery — dakładna akreśleny.

U śniežni 2020-ha The Insider apublikavaŭ niekalki dakumientaŭ, ź jakich vynikała, što ŭ Kramli nibyta idzie praca ź biełaruskim «aktyvam» pa stvareńni novaj partyi z pracoŭnaj nazvaj «Prava naroda», jakaja budzie vystupać suprać Łukašenki, ale za intehracyju z Rasiju. Siarod «aktyvu» zhadvałasia i proźvišča Švieca. Ale jon abvierh tuju infarmacyju, jak i inšy čałaviek sa śpisa. Sapraŭdnaść tych dakumientaŭ taksama była pad pytańniem.

U 2021-m, kali ŭvodzili źmieny pa padatkach dla IP, Šviec charaktaryzavaŭ hety krok jak vypraŭleńnie pierakosaŭ i ličyŭ, što ipešnikam treba pierachodzić u jurasoby.

U sud vyklikali ludziej, što paručylisia za žurnalistak Tut.by, jakija źjechali za miažu

Zołatava i Čekina — 12 hadoŭ kałonii. Na prysudzie sudździa Valancina Ziańkievič trymała ich u kajdankach 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?