AAE

Dubaj, AAE. Fota: pixabay

Pavodle niadaŭnich uciečak amierykanskich sakretnych dakumientaŭ Rasija i Abjadnanyja Arabskija Emiraty pahadzilisia pracavać razam suprać śpiecsłužbaŭ ZŠA i Vialikabrytanii. Pra heta 12 krasavika paviedamiła ahienctva Associated Press sa spasyłkaj na adzin sa źlitych dakumientaŭ.

Jak piša ahienctva, hety dakumient pad nazvaj «Rasija / AAE: pahłybleńnie vyviedvalnych adnosin» źmiaščaje ŭ sabie infarmacyju ab telefonnych zvankach i elektronnych paviedamleńniach supracoŭnikaŭ FSB, jakija pierachapili i prasłuchoŭvali amierykancy. 

ZŠA ličać, što AAE i Rasija chočuć skarystacca ŭsio bolšym addaleńniem Złučanych Štataŭ ad blizkaŭschodniaha rehijona.

«Pavodle źviestak vyviedki, u siaredzinie studzienia pradstaŭniki słužby biaśpieki AAE i FSB Rasii damovilisia ab sumiesnym supraćdziejańni amierykanskim i brytanskim śpiecsłužbam. AAE, umacoŭvajučy adnosiny z rasijskaj vyviedkaj, mahčyma, žadajuć zaścierahčy siabie na fonie ŭsio bolšaha addaleńnia ZŠA ad rehijona», — havorycca ŭ sakretnym dakumiencie.

Pry hetym, jak adznačaje AP, u dakumiencie ničoha nie skazana ab tym, ci było zaklučana pamiž AAE i Rasijaj pa hetaj temie jakoje-niebudź aficyjnaje pahadnieńnie, albo ci źjaŭlajucca pierachoplenyja razmovy ahientaŭ FSB naŭmysnaj dezynfarmacyjaj dla ŭviadzieńnia ZŠA ŭ zman.

Aficyjnyja asoby AAE, darečy, užo paśpieli adchryścicca ad dakumienta, nazvaŭšy jaho śćviardžeńni i vysnovy «całkam chłuślivymi».

«My abviarhajem lubyja śćviardžeńni adnosna jakich-niebudź pahadnieńniaŭ ab pahłybleńni supracoŭnictva pamiž našaj słužbaj biaśpieki i śpiecsłužbami inšych krain suprać kaho b tam ni było», — pryvodzić aficyjnuju zajavu AAE ahienctva Associated Press.

ZŠA ž, pavodle infarmacyi ahienctva, zusim admovilisia kamientavać źmiest dakumienta i jaho sapraŭdnaść.

Nahadajem, što niadaŭna ŭ amierykanskich uciečkach vyjavilisia padrabiaznaści ab dyviersii ŭ Mačuliščach i jaje mahčymych arhanizatarach.

Akramia taho, źlityja dakumienty raspaviali ab niekalkich «nievierahodnych» scenarach dalejšaha raźvićcia vajny va Ukrainie i ab paŭsiudnym praniknieńni amierykanskaj vyviedki ŭ palityčnyja i vajskovyja struktury Rasii.

Čytajcie taksama:

Ukraina źmianiła vajennyja płany z-za ŭciečki sakretnych dakumientaŭ Pientahona — CMI

Hieapalityčnaja hulnia Kitaja: jakuju rolu vykonvajuć Pucin i Łukašenka?

Arabski śviet bolš nie padtrymlivaje dziejańni Rasii

Клас
4
Панылы сорам
0
Ха-ха
5
Ого
2
Сумна
3
Абуральна
15