Arbitražny sud u Haazie abaviazaŭ Rasiju vypłacić piać miljardaŭ dalaraŭ ukrainskaj dziaržkampanii «Naftahaz» za škodu, pryčynienuju anieksijaj Kryma, paviedamiŭ kiraŭnik kampanii Alaksiej Čarnyšoŭ.

Havorka idzie pra kampiensacyju aktyvaŭ, źviazanych z raspracoŭkaj hazavych radoviščaŭ i raźvićciom inšaj stratehična važnaj infrastruktury.

«Vieru, što heta nie apošniaje rašeńnie, jakoje było pryniata ŭ Haazie na karyść našaj krainy. Za nami praŭda. A tyja, chto zmahajecca za praŭdu, nie prajhrajuć», — napisaŭ kiraŭnik «Naftahaza» ŭ fejsbuku.

Pres-słužba kampanii ŭdakładniła, što kali rasijskija ŭłady admoviacca ad dobraachvotnaha vykanańnia pastanovy suda, to, zhodna ź Ńju-Jorkskaj kanviencyjaj 1958 hoda, «Naftahaz» maje prava pačać praces prymusovaha vykanańnia pastanovy suda na terytoryi tych krain, dzie znachodziacca aktyvy RF.

Клас
6
Панылы сорам
0
Ха-ха
0
Ого
0
Сумна
0
Абуральна
0