Boni Rajt syhrała Džyni Uiźli, małodšuju siastru Rona Uiźli, va ŭsich vaśmi filmach franšyzy pra Hary Potera, nahadvaje vydańnie focus.ua.

Boni i Endru apublikavali sumiesnaje fota, a Rajt napisała: «U nas budzie dzicia! Tak rada padzialicca ź im hetaj cudoŭnaj Ziamloj».

Boni Rajt i jaje muž Endru Łakoka. Fota: instagram thisisbwright

Boni Rajt i jaje muž Endru Łakoka. Fota: instagram thisisbwright

Jana adznačyła, što dzicia pavinna źjavicca na śviet u kancy 2023 hoda.

Boni Rajt i Endru Łakoka pažanilisia ŭ sakaviku 2022 hoda na adkrytaj cyrymonii ŭ ekałahičnym centry ŭ San-Chuan-Kapistrana, Kalifornija.

Viasielle Boni i Endru ŭ 2022 hodzie. Fota: instagram thisisbwright

Viasielle Boni i Endru ŭ 2022 hodzie. Fota: instagram thisisbwright

Paśla zakančeńnia ŭniviersiteta ŭ 2012 hodzie Boni Rajt stvaryła ŭłasnuju kinakampaniju Bon Bon Lumiere, jakaja śpiecyjalizujecca na stvareńni karotkamietražnych filmaŭ.

Da Endru Łakoka Boni sustrakałasia z akcioram i madellu Džejmi Kempbełam Baŭeram, jaki ŭ filmach franšyzy hraŭ maładoha Hielerta Hryndevalda. Para była zaručanaja i rychtavałasia da viasiella, adnak Boni i Džejmi rasstalisia.

Paśla ŭ Boni Rajt byli adnosiny z uładalnikam načnoha kłuba Sajmanam Chamieršternam, jaki byŭ starejšy za jaje na 13 hadoŭ. Ale ŭžo ŭ 2015 hodzie jany razyšlisia. Pra jaje muža Endru Łakoka amal ničoha nieviadoma, Boni nie raspaviadała, jak i dzie jany paznajomilisia.

Boni Rajt i Denieł Redklif. Kadr ź filma

Boni Rajt i Denieł Redklif. Kadr ź filma

Raniej Denieł Redklif, zorka filmaŭ pra Hary Potera, i jaho daŭniaja siabroŭka Eryn Dark paviedamili ab naradžeńni pieršynca.

Клас
8
Панылы сорам
1
Ха-ха
2
Ого
1
Сумна
0
Абуральна
1