Pieršy atrad (Fâsuto sukuwaddo)
Japonija — Rasieja — Kanada, 2009, kalarovy, 55 chv
Režysior: Josicharu Asina
Žanr: Mistyka‑vajskovaje anime pavodle scenaru Michaiła Špryca i Alaksieja Klimava
Adznaka: 6,5 (z 10)
1942 hod. Kab pieramahčy ŭ vajnie čarnaknižniki z «Ananerbe» vyklikajuć na dapamohu duch barona fon Volfa z armijaj lutych pryvidaŭ. Ale pijanierka Nadzia pad kiraŭnictvam hienierała Białova adpraŭlajecca ŭ zamahilny śviet znajści siabroŭ, zamardavanych nacystami. Adnoŭleny Pieršy atrad u čyrvonych halštukach irviecca ŭ boj…
Pastaŭleny internacyjanalnaj kamandaj mistyka‑vajskovy multfilm — cikavy mižkulturny hibryd.
Heta anime, namalavanaje japoncam i pa japonskich kanonach. Mienavita ŭ anime dziejničajuć školnicy‑zabojcy, sakretnyja akultnyja atrady zmahajucca z pryvidami, a katana — lepšaja zbroja suprać špeci.
Ź inšaha boku, padzabytyja siońnia pijaniery‑hieroi — heta savieckija dzietki‑samurai.
Pijanierskaja animacyja spałučaje savieckija ahitpłakaty i japonski demanizm.
