Fłahi ABSIE. Fota: aficyjny sajt ABSIE
Estonskaje vydańnie ERR 29 maja paviedamiła pra sprobu razvału Arhanizacyi pa biaśpiecy i supracoŭnictvie ŭ Jeŭropie (ABSIE) z boku Biełarusi i Rasii. Havorka idzie pra naŭmysnaje błakavańnie imi staršynstva Estonii ŭ arhanizacyi.
Pavodle infarmacyi vydańnia, Biełaruś i Rasija jak členy ABSIE adzinyja nie dajuć zhodu na kandydaturu Estonii na staršynstva ŭ arhanizacyi ŭ 2024 hodzie, što moža pahražać ABSIE surjoznym kryzisam, bo Estonija ad svajoj kandydatury nie admovicca.
Jak zajaŭlaje kiraŭnik MZS Finlandyi, jakaja źbirałasia ŭznačalić ABSIE ŭ 2025 hodzie, hetaja situacyja moža pahražać razvałam arhanizacyi ŭžo na praciahu 6 miesiacaŭ, kali ničoha nie vyrašycca.
Nahadajem, što Biełaruś i Rasija — siabry ABSIE z 1992 hoda (usiaho ŭ arhanizacyi 57 krain-udzielnic), adnak paśla pačatku poŭnamaštabnaj vajny va Ukrainie abiedźvie krainy sprabujuć sabatavać pracu arhanizacyi (naprykład, Rasija jašče letaś spyniła svaje vypłaty na funkcyjanavańnie arhanizacyi).
Pry hetym sama ABSIE pry vidavočnym udziele režymu Łukašenki ŭ vajnie suprać Ukrainy admoviłasia nazyvać Biełaruś saŭdzielnicaj kanfliktu.
Čytajcie jašče:
38 krain ABSIE pierazapuścili Maskoŭski miechanizm u dačynieńni da Biełarusi
Rasija denansuje Damovu ab zvyčajnych uzbrojenych siłach u Jeŭropie
U ABSIE rasijan i biełarusaŭ-łukašenkaŭcaŭ pasadzili na zadvorkach, pa-za ałfavitam
