Fota: BiełTA
Apracoŭka vynikaŭ druhoha centralizavanaha ekzamienu znachodzicca na paŭzie, paviedamili «Sputniku» na haračaj linii RIKV.
Druhi CE pa pradmiecie na vybar školniki zdavali 21 maja. Jaho vyniki, jak pieršapačatkova zajaŭlali ŭ Respublikanskim instytucie kantrolu viedaŭ, stanuć viadomyja ŭ pačatku červienia. Adnak vyśvietliłasia, što apracoŭka bałaŭ znachodzicca pakul na paŭzie praz skandał ź pieršym CE.
«Ja dumaju, heta [vyniki druhoha CE] pakul nie tak aktualna, jak pieršy ekzamien, pytańnie pa jakim ciapier vyrašajecca. U nas znachodzicca Dziaržkantrol, tamu pakul vyniki na paŭzie», — raspaviali na haračaj linii RIKV.
Ci paśpiejuć kantrolnyja słužby zaviaršyć pravierku vynikaŭ pieršaha ekzamienu i apublikavać vyniki druhoha CE da ŭručeńnia atestataŭ, u RIKV pakul nie viedajuć.
Uručeńnie atestataŭ 11-kłaśnikam pavinna adbycca na školnych vypusknych 10 červienia.
Skandał na CE: što ciapier viadoma?
Nahadajem, abituryjenty i ich baćki aburylisia atrymanymi vynikami za pieršy centralizavany ekzamien pa biełaruskaj i ruskaj movach i zapatrabavali pieraliku bałaŭ ad RIKV.
Paśla reakcyi Łukašenki, Minadukacyi stvaryła śpiecyjalnuju hrupu, kudy ŭvajšli matematyki, infarmatyki i śpiecyjalisty pa apracoŭcy vynikaŭ. Zaraz jany zajmajucca kompleksnaj pravierkaj karektnaści raźlikaŭ bałaŭ za pieršy CE.
U vypadku vyjaŭleńnia pamyłak Ministerstvam adukacyi buduć pryniaty ŭsie nieabchodnyja miery pa ich likvidacyi, zapeŭniŭ raniej ministr adukacyi Andrej Ivaniec.
Čytajcie taksama:
Jak padličvajuć bały na centralizavanym ekzamienie i čamu heta schiema vyklikała abureńnie
