Zienitna-rakietny kompleks Patriot. Fota: AP
Niekalki krain paabiacali chutka pieradać Ukrainie sistemy supraćpavietranaj abarony Patriot. Pra heta paviedamiŭ premjer-ministr Polščy Matevuš Maraviecki pa vynikach samitu Jeŭrapiejskaj palityčnaj supolnaści, jaki prachodziŭ 1 červienia ŭ Małdovie, piša polskieradio24.pl.
Maraviecki padkreśliŭ, što vielmi važna, kab krainy-sajuźnicy padzialilisia z Ukrainaj sistemami Patriot.
Jon rastłumačyŭ, što Polšča nie moža hetaha zrabić, bo sama adčuvaje niedachop hetych kompleksaŭ. Jon raskazaŭ, što padčas sustrečy ŭ Małdovie premjer-ministry niekalkich krain abiacali pastavić Patriot Ukrainie.
«Jość zajavy ab chutkaj pieradačy sistem», — skazaŭ Maraviecki.
Jon dadaŭ, što sustreča ŭ Małdovie była vielmi kanstruktyŭnaj i pazityŭnaj.
Učora ŭ Małdovie kaalicyja F-16 praviała pieramovy ab navučańni, pastaŭkach i infrastruktury dla samalotaŭ.
Čytajcie taksama:
Zialenski nazvaŭ umovu, pry jakoj spynicca teror Rasii
Ukraina źbiła rasijski samalot z dapamohaj sistemy Patriot — ŚMI
