Fota: SBU
Infarmataram vyjaviŭsia hramadzianin Biełarusi, jaki maje dazvoł na pastajannaje žycharstva va Ukrainie i doŭhi čas pražyvaje na Rovienščynie.
U pačatku poŭnamaštabnaha ŭvarvańnia RF, jak śćviardžaje SBU, jon byŭ zavierbavany supracoŭnikam biełaruskaha KDB i ažyćciaŭlaŭ raźviedvalna-padryŭnuju dziejnaść suprać Ukrainy.
Zadačaj ahienta byŭ zbor danych ab abaronie paŭnočnych miežaŭ Ukrainy i maršrutach pieramiaščeńnia vajennaj techniki.
Supracoŭniki SBU zatrymali čałavieka pa miescy jaho žycharstva padčas čarhovaj sproby pieradačy infarmacyi ŭ Biełaruś.
Fota: SBU
Vyjaŭlena, što ŭ pole zroku biełaruskaha KDB jon trapiŭ jak były kamandzir padraździaleńnia desantna-šturmavych vojskaŭ Savieckaha Sajuza. Tady jon prymaŭ aktyŭny ŭdzieł u bajavych dziejańniach u Afhanistanie.
Dla vykanańnia raźviedvalnych zadańniaŭ na Rovienščynie jon abychodziŭ pamiežnuju terytoryju i naziraŭ za pieramiaščeńniem Sił abarony, pra heta paviedamlaje SBU.
Na padstavie sabranych dokazaŭ zatrymanamu paviedamili ab padazreńni.
Ciapier jon znachodzicca pad vartaj. Praciahvajecca rasśledavańnie dla vyjaŭleńnia ŭsich abstavinaŭ złačynstva.
