Košyki ad babuli z Kamaroŭki. Fota: instahram @kosh.koshik
Što za kałabaracyja
Volha, zasnavalnica prajekta @proekt_etika, jaki śpiecyjalizujecca na kastamizacyi i apsajklinhu (pierapracoŭcy rečaŭ), adnojčy ŭbačyła ŭ minskaj padziemcy plecienyja košyki ad 85-hadovaj Neli Antonaŭny. Pa słovach dziaŭčyny, u žančyny niaprostaja asabistaja historyja: jana žyvie adna, placie košyki i pradaje ich u pierachodzie kala Kamaroŭki.
Na pieršym časie Volha prapanavała pradavać košyki ad Neli Antonaŭny ŭ svaim Instagram.
«Ja źbiraju zakazy i pieradaju ich joj, raz na tydzień jezdžu za košykami. Jana zaŭsiody z uśmieškaj mianie sustrakaje i dahetul nie vieryć, što jaje košyki tak usim padabajucca, navat biantežycca jašče trochi brać za ich hrošy», — raskazała dyzajnierka ŭ kamientary CityDog.io.
I voś dniami heta dušeŭnaje supracoŭnictva pierarasło ŭ ahulny prajekt «Koš», u jakoha jość svaja staronka ŭ Instagram i mahčymaść zamović košyk u lubuju kropku śvietu.
«U našym KOŠykaŭskim suśviecie ŭsio trymajecca na plačach Neli Antonaŭny, a my, u svaju čarhu, joj dapamahajem. Na hetaj staroncy vy možacie znajści košyki ŭ najaŭnaści, zapytać ab čym-niebudź dy prosta hladzieć na pryhažość, jakuju stvarajuć cudoŭnyja ruki babuli», — napisana ŭ dopisie prajekta.
Košt maleńkaha koša — 30 rub., vialikaha — 45 rub. pra najaŭnaść treba ŭdakładniać, a adpravić košyk abiacajuć u lubuju kropku śvietu.
«Chočam maštabavać dabro»
Pa słovach Volhi, asobnuju staronku dla košykaŭ vyrašali zrabić, kab u hetaj dušeŭnaj kałabaracyi było samastojnaje žyćcio.
«Naohuł nas ciapier troje — try Voli, jak try kity, tolki trymajecca ŭsio pa-raniejšamu na Neli Antonaŭnie, — śmiajecca dyzajnierka. — My prosta dapamahajem. Pieršaja Vola viadzie ŭsiu kamunikacyju z babulaj i klijentami, adminić Instagram i robić fotakantent (jana fatohrafka z vydatnym hustam). Druhaja Vola zajmajecca moŭšanam. Nu, a ja naziraju za ŭsim zboku i časam dapamahaju troški mieniedžaryć. Ni ŭ kaho z nas niama dośviedu viadzieńnia padobnych prajektaŭ, tamu my vyrašyli rassłabicca i prosta rabić toje, što atrymlivajecca».
Jak raskazvajuć dziaŭčaty, Neli Antonaŭna praciahvaje pleści ŭsie košyki sama, ale, mahčyma, źjavicca jašče chto-niebudź joj u čaladnik, bo pa stanie samaadčuvańnia ŭ jaje ŭžo nie atrymlivajecca pracavać tak aktyŭna, jak joj chaciełasia b. Hetaja ideja pakul u pracesie razhladu.
Na pytańnie, pa jakich krainach za hety čas paśpieli raźlaciecca košyki, Volha adkazvaje, što hieahrafija padarožža košykaŭ vielizarnaja.
«Tam užo amal usia Jeŭropa i ZŠA. Časam atrymlivajecca, što košt dastaŭki akazvajecca vyšejšy za košt samoha košyka, ale heta nikoha nie spyniaje. Da mianie navat u Varšavie padychodziać ludzi sa słovami: «O, a ja viedaju hety koš. Heta ž babula ŭ Minsku placie».
Dumajem u budučyni dastać z padziemnych pierachodaŭ jašče niekalki roznych pažyłych majstrych, kab maštabavać dabro. Voś abmiarkoŭvajem hetuju ideju ciapier aktyŭna (uśmichajecca). A naohuł atrymałasia vielmi cikava, tamu što za taki karotki pramiežak času nam udałosia z hetych nikomu, zdavałasia b, nie patrebnych košykaŭ u padziemnym pierachodzie zrabić mastchev kožnaj biełaruskaj modnicy».
Čytajcie taksama:
snačała chotieła pochvaliť etich 3-ch dievušiek ) no
)