U Minsku vynieśli prysud pa spravie ab karupcyi ŭ AAT «Hazpram transhaz Biełaruś», piša BiełTA.
Namieśnika hienieralnaha dyrektara pa vytvorčaści Andreja Šabana prysudzili da 7 hadoŭ 6 miesiacaŭ z adbyvańniem pakarańnia ŭ papraŭčaj kałonii va ŭmovach uzmocnienaha režymu, a taksama da štrafu 185 tysiač rubloŭ, pazbaŭleńnia prava zajmać pasady, źviazanyja z arhanizacyjna-rasparadčymi i administracyjna-haspadarčymi abaviazkami na 5 hadoŭ.
Načalnik vytvorčaha adździeła aŭtamatyzacyi Ihar Hiedranovič prysudžany da identyčnaha pakarańnia. Načalnik adździeła kankurentnych zakupak filijała «Upraŭleńnie materyjalna-techničnaha zabieśpiačeńnia i kamplektacyi» Vadzim Dziamieška na padstavie č. 2, art. 430 KK prysudžany da 3 hadoŭ kałonii ŭzmocnienaha režymu, štrafu 111 tysiač rubloŭ z pazbaŭleńniem prava zajmać pasady, źviazanyja z arhanizacyjna-rasparadčymi i administracyjna-haspadarčymi abaviazkami na 5 hadoŭ.
Pradstaŭnica adnaho z subjektaŭ haspadarańnia Cimura Klujeva pryznali vinavatym u dačy chabaru ŭ bujnym pamiery z vykarystańniem słužbovych paŭnamoctvaŭ. Jamu prysudzili 2 hady 6 miesiacaŭ kałonii sa štrafam 111 tysiač rubloŭ.
Da abvinavačanych Šabana, Hiedranoviča, Dziamieški i Klujeva ŭ zale suda ŭžyli art. 7 zakona «Ab amnistyi ŭ suviazi z Dniom narodnaha adzinstva» ad 7 śniežnia 2022 №220-Z, jany byli častkova — na 1 hod — vyzvalenyja ad asnoŭnaha pakarańnia.
Mieru strymańnia ŭ vyhladzie zaklučeńnia pad vartu Šabanu i Hiedranoviču sud pakinuŭ bieź źmieny, Klujevu — admianiŭ, vyzvaliŭšy jaho z-pad varty ŭ zale suda. Mieru strymańnia Dziamiešku ŭ vyhladzie zakładu źmianili na zaklučeńnie pad vartu ŭ zale suda.
