2012
ZŠA, 2009, kalarovy, 158 chv.
Režysior: Rołand Emierych
Roli vykonvajuć: Džon Kjusak, Amanda Pit, Čeviteł Edžyafor, Vudzi Charelsan, Tendzi Njutan, Deni Hłovier
Žanr: Film-katastrofa
Adznaka: 6,5 (z 10)
Dapytlivy navukoviec adkryvaje, što Ziamlu čakaje maštabnaja katastrofa, ad jakoj łusnuć cełyja kantynienty. Dziaržavy-hihanty ŭpotajki budujuć vyratavalnyja kaŭčehi, a hałoŭny hieroj karciny ź dzietkami adpraŭlajecca ŭ Jełaŭstoŭnski park, dzie katastrofa i pačynajecca.
Rołand Emierych, tata «Dnia niezaležnaści» i abnoŭlenaje «Hadziły» — znany aŭtar vidoviščnaha kino. I vidoviščaŭ u filmie zadosyć: šykoŭnyja ziemlatrusy, jakija pieraśledujuć mašynu, abvały materykoŭ, hory, zatoplenyja akijanam.
U pierapynkach hieroi paśpiavajuć adnavić siemji pryznacca ŭ kachańni. U amal trochhadzinnaj stužcy jość miesca j humaru: mardaty rasijski aliharch ładzić kancerty žłobstva.
Rołand Emierych stavić rubam pytańnie: «Ci vartaje vyratavanaje čałaviectva ślazinki dziciaci, zadušanaha ŭ čerhach na kaŭčeh?» — i daje sama pravilny maralny adkaz, prapahandujučy mir, siabroŭstva i mižnarodnaje supracoŭnictva.
Ale za kinošnymi katastrofnymi žachami chavajecca surjozny hieapalityčny pieravarot. Emierych pryznajecca, što Amieryka jak lider skanała: jaje prezident-muryn hieraična hinie la Biełaha doma, ratujučy ludziej. Novyja hieroi — kitajcy, jakija i budujuć kaŭčehi. A čarhovaja cyvilizacyja pačniecca z Afryki.
