Anatol Markievič. Fota: BiełTA
Pry vydačy hastrolnaha paśviedčańnia ŭpraŭleńni kultury buduć vyśviatlać, ci prymalnaja tvorčaść taho ci inšaha artysta, pra heta zajaviŭ ministr kultury Biełarusi Anatol Markievič u parłamiencie, jak piša «Sputnik».
«…Adpaviedna ŭpraŭleńnie hladzić, ci ŭsie tam artysty, tyja ci inšyja, nakolki siońnia ich tvorčaść prymalnaja. To-bok voś u takim rakursie razhladajecca pytańnie», — skazaŭ ministr.
Taksama Markievič nahadaŭ, što ŭ Biełarusi płanujuć pryniać papraŭki, jakija dazvalajuć arhanizataram kancertaŭ stvarać časovyja kalektyvy vykanaŭcaŭ. A sami artysty prosta mohuć zaklučyć ź im damovu. Im nie treba budzie rehistravacca jak IP.
Jak čakajecca, hetyja i inšyja novaŭviadzieńni pačnuć dziejničać z 1 lipienia. Z hetaj daty IP, jakija arhanizujuć kancerty, bolš nie zmohuć hetym zajmacca: im treba budzie zarehistravać jurydyčnuju asobu. Płanujecca, što novy zakon dazvolić zrabić heta pa lhotnaj pracedury.
Dla transfarmacyi IP u kampanii raspracavali asobnaje pałažeńnie. U pryvatnaści, jano dazvalaje, kab miescaznachodžańniem jurydyčnaj asoby była kvatera abo dom zasnavalnika. Dziaržpošlinu za rehistracyju takoj kampanii płacić nie treba. Čakajecca, što hetyja i inšyja papraŭki prymuć u hetym miesiacy.
Čytajcie taksama:
Ministr kultury: Zdradnikam nie miesca na scenie
Ministr kultury pryznaŭ deficyt kadraŭ u biełaruskaj kultury. Z hetaj nahody sabrali cełuju naradu
