U Łahojsku trecija sutki niama vady. Zusim nijakaj 2

Fota: Logoysk.by

U Łahojsku praz zasuchu žychary siadziać biez vady ŭžo trecija sutki. U miascovych čatach łahojcy pačali skardzicca na prablemy z vodazabieśpiačeńniem jašče ŭ aŭtorak, 7 červienia. Da nastupnaj ranicy vady nie było ŭžo amal va ŭsich kvaterach horada, piša Tochka.by.

Prablemu abiacali vypravić na praciahu sutak. Adnak haradžanie skardziacca ŭ sacsietkach, što vady ŭ horadzie pa-raniejšamu niama.

Pryčynu patłumačyli ŭ Vilejskim vodakanale. Akazałasia, usia sprava ŭ zasusie.

Horad zabiaśpiečvajeca vadoj u asnoŭnym z vodazabora «Niŭki». Z-za adsutnaści daždžu i masavaha palivu prysiadzibnych učastkaŭ reziervuar byŭ vyčarpany.

«Akramia taho, praktyčna vyčarpalisia vody, ad jakich jon papaŭniaŭsia. Kab źniać prablemu, kiraŭnictvam Vilejskaha vodakanała było pryniata rašeńnie pahłybić śvidravinu, padoŭžyć truby i apuścić pompu. Usie padrychtoŭčyja raboty byli vykananyja zahadzia», — zajavili na pradpryjemstvie, adznačyŭšy, što 7 červienia byŭ mantaž abstalavańnia.

Ciapier u horadzie arhanizavany padvoz vady, zabiaśpiečvajucca vadoj i dziciačyja sady, i škoły, i balnicy, i inšyja sacyjalnyja abjekty.

Čytajcie taksama:

Maj 2023-ha staŭ u Biełarusi samym zasušlivym z 1945 hoda

0

13

2

5

2

3

Nashaniva.com