Uładzimir Hałoŭčanka. Fota: BiełTA
Niahledziačy na značny sankcyjny cisk, jaki adbiŭsia na čverci halin ekanomiki Biełarusi, Biełarusi ŭdałosia adaptavacca da jaho za šeść miesiacaŭ i vybudavać antykryzisnaje kiravańnie, zajaviŭ premjer.
Uzajemadziejańnie ŭ farmatach SND i JEAES dapamahło nivielavać niehatyŭny efiekt ad straty rynkaŭ ekspartu ŭ niedružalubnych krainach.
Taksama Hałoŭčanka akreśliŭ asnoŭnyja napramki sumiesnaj raboty krain JEAES, na jakich prapanujecca zasiarodzicca ŭ dalejšym.
Siarod ich:
- pašyreńnie ŭzajemnaha handlu;
- raźvićcio transpartna-łahistyčnych suviaziaŭ, u tym liku za košt kalidora «Poŭnač — Poŭdzień»;
- finansavaja padtrymka pramysłovaj kaapieracyi;
- ličbavizacyja;
- charčovaja biaśpieka.
«Kožny dzień pierad nami staviać novyja vykliki, jakija patrabujuć nietryvijalnych rašeńniaŭ. Znachodzić takija złabadzionnyja i ŭzajemavyhadnyja rašeńni ŭnutry sajuza — heta naš unutrany vyklik, jaki my možam pieraadoleć tolki praz kansalidacyju sumiesnych namahańniaŭ. Naša siła ŭ adzinstvie met i trajektoryi raźvićcia», — zajaviŭ kiraŭnik urada Biełarusi.
Čytajcie taksama:
