U studyi tok-šoŭ

U studyi tok-šou «V samuju točku». Skryn videa

Režym Łukašenki idzie da kanca svajho isnavańnia

U efiry pieradačy suzasnavalnik fondu BYSOL Andrej Stryžak zajaviŭ:

«Pytańnie pieranosu vajny na terytoryju Biełarusi — heta pytańnie času. Uličvajučy toje, na jakim kantroli ŭ Rasii znachodzicca dziejny de-fakta ŭrad Biełarusi i jaho padparadkavańnie Kramlu, pytańnie tolki, kolki jašče Łukašenka praciahnie ŭ hetaj dziŭnaj hieapalityčnaj pazicyi ŭdziełu-niaŭdziełu.

Tut situacyja, jakaja była z padryvam čyhunačnaha sastavu i łakamatyŭnaj bryhady Biełaruskaj čyhunki, vielmi simptamatyčnaja. Na žal, rana ci pozna Biełaruś pačnie ŭdzielničać u hetaj vajnie bolš aktyŭna. Naša kamanda rychtujecca da vialikaha ŭsplosku kolkaści ludziej, jakija zachočuć pakinuć niebiaśpiečnuju terytoryju».

Na dumku deputata Jeŭraparłamienta, pastajannaha dakładčyka pa Biełarusi Piatrasa Aŭštrevičusa, režym Łukašenki idzie da kanca svajho isnavańnia. Viadoma, što ŭ takich vypadkach mohuć być roznyja recydyvy. Aŭštrevičus ličyć Łukašenku vajennym złačyncam.

«Kali kamu-niebudź zdajecca, što režym Łukašenki nie vyklikaje pramuju niebiaśpieku dla susiednich krain, to jany vielmi pamylajucca. My ŭžo zrabili pamyłku adnosna Łukašenki ŭ 2016 hodzie».

Aŭštrevičus adznačyŭ, što pastajanna znachodzicca ŭ kantakcie z pradstaŭnikami pałka Kalinoŭskaha. Toje, što jany robiać dla naroda Ukrainy, — vializnaja nie tolki vajennaja, ale i palityčnaja inviestycyja ŭ zusim inšyja adnosiny ŭ budučym Biełarusi i Ukrainy.

Ci pavinny być zakrytyja miežy z boku Jeŭropy dla Biełarusi

Pa mierkavańni Aŭštrevičusa, izalacyja režymu Łukašenki pavinna ŭzmacniacca jak u ekanamičnaj, tak i ŭ palityčnaj śfierach.

«U toj ža čas my pavinny padtrymlivać ludziej, što imknucca paźbiehnuć pieraśledu. My ich pavinny prymać. Ale my sami, litoŭcy, palaki, łatvijcy, pavinny dobra padumać, nakolki my musim libieralna hladzieć na pajezdki našych ludziej u Biełaruś, kab nabyć tam cyharety ci harełku. Nakolki jany pavinny mieć takuju mahčymaść? My tut robim vialikija pamyłki i takim čynam tolki dapamahajem režymu. My pavinny zakryć miažu dla takich ekanamičnych, kamiercyjnych pajezdak. Heta źviazana i z peŭnaj ryzykaj viarboŭki», — adznačyŭ Aŭštrevičus.

Pa mierkavańni deputata Jeŭraparłamienta, toje, što ciapier pamiž Biełaruśsiu i Jeŭropaj ściana, nie vybar Jeŭropy.

«My bačym u budučym Biełaruś jak dziaržavu, [jakaja] całkam na baku Jeŭropy. Pa cyvilizacyjnych prykmietach, pa historyi i kultury jana jość jaje častkaj.

Tut dla mianie niama nijakaha pytańnia, na jakim baku i z kim pavinna być Biełaruś. Ale jość peŭnyja situacyi, u jakich my musim pavodzić siabie bolš adkazna. Była b maja vola, užo daŭno nie było b miažy pamiž Biełaruśsiu i ES».

Ale, adznačaje Aŭštrevičus, u suviazi z tym, što Biełaruś stanovicca častkaj tak zvanaj Sajuznaj dziaržavy, sutnaść jakoj nichto nie moža jak maje być patłumačyć, kudy i jak hetaja dziaržava pojdzie adnosna svaich susiedziaŭ, ES pavinien prymać niepapularnyja pramiežkavyja rašeńni.

«Izalacyja budzie ŭpłyvać na žyćcio prostych ludziej. Takaja łohika siońniašnich dzion»,

— zaŭvažyŭ jeŭradeputat.

Z krytkaj pazicyi Jeŭrasajuza, nakiravanaj na ŭzmacnieńnie izalacyi, vystupiŭ namieśnik hałoŭnaha redaktara «Našaj Nivy» Arciom Harbacevič. Jon zaŭvažyŭ, što kali ciapier Jeŭropa sa svajho boku trymaje miežy zakrytymi, to takim čynam jana imkniecca pieraŭtvaryć Biełaruś u Paŭnočnuju Kareju. Jamu niezrazumieła, čamu ŭ Litvu nie chodziać ciahniki.

«Łukašenka nie jeździć u aeraport Vilni. I čynoŭniki nie jeździać. A ŭ milicyjanieraŭ uvohule pašparty navat zabirajuć, kab, nie daj boh, nikudy nie vyjechali. Mnie zdajecca, što sankcyi, [jakija ŭpłyvajuć] na mabilnaść ludziej — heta jakraz toje, čaho nie pavinna być. Heta nie robić nas jeŭrapiejcami».

Jon zaŭvažyŭ, što praź miažu ruchajucca nie tolki ludzi, ale i kapitały, finansy, tavary, technałohii. Ale apošnim časam izalacyja stanovicca ŭsio bolšaj, jana zakranaje i biznes, i prostych ludziej.

«Asnova demakratyi — biznes, toje, što imkniecca da adkrytych palityčnych sistem, da svabody cenaŭtvareńnia, kankurencyi. Ciapier ža navat tyja tavary, što nie padpadajuć pad sankcyi, nie traplajuć u Litvu, apłacić płaciež u Litvu niemahčyma. Takaja pazicyja pieraškadžaje raźvićciu biznesu, i nieviadoma da čaho moža pryvieści, kali [takoje] stanovišča zachavajecca na praciahu dziesiacihodździa».

Daradca Ofisa Śviatłany Cichanoŭskaj pa pravavych pytańniach Kryścina Rychter adznačyła, što zhodnaja z pazicyjaj ES ab tym, što izalacyja i vizavyja abmiežavańni pavinny tyčycca tolki pradstaŭnikoŭ režymu, a nie ŭsich biełarusaŭ.

«My sami havorym pra toje, što pavinna być daskanałaja pravierka tych, kamu vydajucca vizy. Kab nie było situacyi, jakaja zdaryłasia z Vaskrasienskim, ci kali sudździa, jaki vynosiŭ pryhavor pa spravie Cichanoŭskaj i Kaardynacyjnaj rady, apynuŭsia ŭ Litvie ź vizaj adnoj z krain ES».

Ofis Cichanoŭskaj i Kabiniet zajmajucca ŭ tym liku temaj viz dla biełarusaŭ, i hetaje pytańnie padymajecca pry mahčymaści ŭ pracoŭnych kamunikacyjach z krainami i Jeŭrakamisijaj.

Čytajcie jašče:

Z-za nielehałaŭ ź Biełarusi źbirajucca ŭvieści pamiežny kantrol na miažy Hiermanii z Polščaj

Ekanamisty raspaviali, kolki biełarusaŭ pierabrałasia ŭ apošnija hady ŭ ES

Na miažy z Rasijaj pierakopvajuć i zavalvajuć drevami prasiołkavyja darohi

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?