U matčy Lihi čempijonaŭ suprać partuhalskaha «Sportynha» ŭ sakaviku minułaha hoda Skot Karsan adstajaŭ na nul. Fota ź jaho staronki ŭ instahramie

U matčy Lihi čempijonaŭ suprać partuhalskaha «Sportynha» ŭ sakaviku minułaha hoda Skot Karsan adstajaŭ na nul. Fota ź jaho staronki ŭ instahramie

U 2005 hodzie Karsan byŭ u składzie «Livierpula» (pieršym numaram u varotach byŭ palak Ježy Dudek). Skot zhulaŭ tolki adzin matč u Lizie čempijonaŭ u tym siezonie: u čverćfinale suprać «Juvientusa» (2:1). Naohuł za «Livierpul» da 2008 hoda na jaho rachunku va ŭsich turnirach było čatyry hulni.

Zatym u karjery Karsana byli «Čarltan», «Astan Viła», «Derbi Kaŭnci», «Uihan», «Vest Bromvič» i navat turecki «Bursaspor». Taksama čatyry matčy jon hulaŭ za zbornuju Anhlii.

U 2019-m jon viarnuŭsia ŭ «Mančester Sici». Ale za ŭvieś čas pravioŭ za kłub čatyry pajadynki va ŭsich turnirach. U siezonie 2022-2023 jon naohuł byŭ trecim hałkipieram u kłubie: asnoŭny bramnik — brazilec Edersan, a druhi numar, jaki strachuje Edersana pieradusim u kubkavych matčach, — niemiec Štefan Arteha.

Tym nie mienš 9 sakavika 2022 hoda Skot Karsan vyjšaŭ na pole na 73-j chvilinie ŭ druhim tajmie Lihi čempijonaŭ u čverćfinale suprać lisabonskaha «Sportynha» i nie prapuściŭ.

Učora «Mančester Sici» vyjhraŭ Lihu čempijonaŭ, jon pieramoh u finale miłanski «Inter» ź likam 1:0 i ŭpieršyniu zavajavaŭ hałoŭny kłubny trafiej Jeŭropy.

Karsan byŭ u zajaŭcy na matč, ale na pole, naturalna, nie vyjšaŭ.

Čytajcie taksama:

«Mančester Sici» ŭpieršyniu vyjhraŭ Lihu čempijonaŭ

Hvardyjoła staŭ pieršym u historyi trenieram z dvuma trebłami

Biełarus vyjhraŭ čempijanat Vienhryi pa handbole. Pryčym staŭ hałoŭnaj zorkaj u vyrašalnym matčy

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?