Fota: Getty Images

Fota: Getty Images

2 lipienia ŭ niadzielu na Soncy adbyłasia adna z samych mahutnych uspyšak za ŭsiu historyju navukovych nazirańniaŭ. Jak pieradaje vydańnie Space.com, praz heta ŭ niekalkich rehijonach płaniety na paŭhadziny źnikła radyjosuviaź.

Asnoŭny ŭdar soniečnaj uspyški prypaŭ na Cichaakijanski rehijon i Paŭnočnuju Amieryku. Hetaje vypramieńvańnie kłasifikavali jak uspyšku kłasa X — samy mahutny kłas z usich mahčymych.

Jak paviedamlajuć navukoŭcy, krynicaj uspyški treba ličyć soniečnuju plamu AR3354, dyjamietr jakoj u 7 razoŭ pieravyšaje dyjamietr Ziamli.

«Hetaja ŭspyška na paŭhadziny paškodziła radyjosuviaź nad ZŠA i Cichim akijanam. Zvyčajna takoha času dastatkova, kab uspyška taksama spravakavała hihancki vykid płazmy, jaki moža pryvieści da vielizarnaj hieamahnitnaj bury, što adabjecca na płanietarnych sistemach suviazi i samaadčuvańni ludziej. Adnak my jašče pakul nie zafiksavali padobny vykid», — pieradaje słovy navukoŭcaŭ vydańnie Space.com.

Taksama adznačajecca, što za apošnija 20 hadoŭ častata ŭspyšak i kolkaść plam na Soncy ekstremalna pavialičylisia. Ciapierašniaja ŭspyška kłasa X 18-ja pa liku tolki za apošnija 11 hadoŭ. U 2023 hodzie nazirajecca asablivy rost niestabilnaści na Soncy.

Pa padlikach navukoŭcaŭ, mahčymaja hieamahnitnaja bura, jakaja moža być vyklikanaja ŭspyškaj, moža adbycca ŭžo 5-6 lipienia.

Čytajcie taksama:

Astranomy z usiaho śvietu abjadnalisia dla nazirańnia za čornaj dzirkaj, jakaja razarvała zorku

Zahadkavaja ŭspyška ŭ niebie nad Homielem i Kijevam: NASA zajaŭlaje, što heta nie moh być spadarožnik

Navukoŭcam upieršyniu ŭdałosia pieradać enierhiju z kosmasu na Ziamlu

Клас
1
Панылы сорам
2
Ха-ха
1
Ого
15
Сумна
1
Абуральна
1

Chočaš padzialicca važnaj infarmacyjaj ananimna i kanfidencyjna?