Źniavoleny Saakašvili napisaŭ list hałoŭnamu redaktaru «Ukrainskaj praŭdy» Sieŭhil Musajevaj, u jakim pieraličyŭ, čym dla jaho jość Ukraina. U pieraliku jon, u pryvatnaści, adznačyŭ svaju dačku Žaśmin, jak piša vydańnie.

«…Što dla mianie Ukraina? Heta važnaja častka majho žyćcia i majoj baraćby. Ja pravioŭ bolšuju častku svajho śviadomaha žyćcia va Ukrainie. Ciapier ja razmaŭlaju na ŭkrainskaj [movie] ŭžo lepš, čym na ruskaj.

Ukraina — heta moj dom u Kijevie, nievialikaja dzialanka ziamli ŭ Mirharadzie. Ukraina — heta maja asablivaja luboŭ horad Adesa. Ukraina — heta vielizarnaja kolkaść maich siabroŭ, a ź niadaŭnich časoŭ Ukraina — heta maja maleńkaja dačka-ŭkrainka Žaśmin, jakuju ja jašče nie mieŭ mahčymaści ŭbačyć i patrymać na rukach», — paviedamiŭ eks-kiraŭnik Hruzii i Adeskaj vobłaści.

Michaił Saakašvili i Liza Jaśko

Michaił Saakašvili i Liza Jaśko

Nahadajem, u pačatku červienia Lizavieta Jaśko abviaściła, što stała mamaj. Praŭda, ni imia baćki dziciaci, ni imia samoha dziciaci deputat nie paviedamiła. Adnak pra jaje raman z Saakašvili było viadoma z 2020 hoda.

Jašče hod tamu Saakašvili abviaściŭ, što maje pazašlubnuju dačku ad hruzinskaj śpiavački Sofji Nižaradze. Takim čynam, ciapier u eks-prezidenta Hruzii jość dvoje synoŭ ad pieršaj žonki i dźvie pazašlubnyja dački.

Ciapier Michaił Saakašvili znachodzicca ŭ hruzinskaj turmie, kudy jon trapiŭ 1 kastryčnika 2021 hoda, kali viarnuŭsia ŭ Hruziju. Jon abvinavačvajecca pa niekalkich kryminalnych spravach. Pa niekatorych ź ich Saakašvili byŭ asudžany da šaści hadoŭ źniavoleńnia jašče da viartańnia ŭ Hruziju. Pa stanie zdaroŭja jon znachodzicca ŭ tbiliskaj klinicy i ŭ sudzie ŭdzielničaje anłajn.

U lutym paviedamlałasia, što palityk važyŭ 67 kiłahramaŭ — amal na 50 mieniej, čym da źniavoleńnia.

Čytajcie taksama:

«Heta jaho ŭkrainski praciah». Ukrainskaja deputatka zajaviła, što naradziła ad Saakašvili

Saakašvili źjaviŭsia na sudzie ŭ žachlivym stanie

Prezident Hruzii prapanuje adpuścić Saakašvili z elektronnym branzaletam

Клас
11
Панылы сорам
4
Ха-ха
3
Ого
3
Сумна
8
Абуральна
1