Sadovaje tavarystva «Navuka-1978» znachodzicca ŭ prestyžnym miescy — nasuprać Raŭbič, prosta na bierazie Dubraŭskaha vadaschovišča.

Dačy tut pryznačalisia dla supracoŭnikaŭ Akademii navuk. I ŭjaŭlajuć jany saboj nie zvykłyja dla SSSR zborna-ščytavyja ci draŭlanyja chatki, a sapraŭdnyja cahlanyja taŭnchausy savieckaha ŭzoru na dźvie kvatery.

Adnu takuju kvateru vystavili na prodaž. Jaje ahulnaja płošča — 90 kvadratnych mietraŭ.

Na pieršym uzroŭni raźmiaščajecca haraž i słužbovyja pamiaškańni. 

Na druhim (pieršym žyłym) — vieranda, kuchnia i pakoj. Tam zachavałasia amal niekranutaja atmaśfiera dačy intelektualnaj elity BSSR. Źviarnicie ŭvahu na šykoŭny kamin i vintažnuju meblu 70-ch.

Na trecim uzroŭni — dva pakoi i łodžyja.

U kvatery centralny vodapravod (z haračaj vadoj), centralnaja kanalizacyja, ale voś aciapleńnie — piačnoje.

Da dačy prykładajecca ŭčastak u 5 sotak z altankaj. Da vadaschovišča — chvilin piać pieššu.

Za daču prosiać 100 tysiač dalaraŭ.

Čytajcie taksama:

Maks Korž pabudavaŭ chatku prosta siarod lesu

Domiki na bierazie. Hladzim niedarahija varyjanty kala Naračy, Śviciazi i Śviry

U centry Minska ŭ domie dla partyjnaj elity pradajecca kvatera. Jana zajmaje ceły pavierch, a interjery jak u filmach pra francuzskich karaloŭ

Клас
22
Панылы сорам
5
Ха-ха
12
Ого
11
Сумна
2
Абуральна
3