Fota: Hienštab USU

Fota: Hienštab USU

«Na dośvitku z užyvańniem taktyčnaj avijacyi vorah atakavaŭ vostraŭ Źmiainy skidam fuhasnaj avijabomby», — paviedamiła pres-słužba apieratyŭnaj hrupoŭki «Poŭdzień».

Vostraŭ Źmiainy byŭ zachopleny rasijskimi siłami nieŭzabavie paśla pačatku ŭvarvańnia. Jon staŭ miescam naradžeńnia miemu pra «rasijski vajskovy karabiel», kali ŭkrainski vajskoviec u niecenzurnaj formie admoviŭsia zdavacca rasiejcam. Rasijskija siły zaniali vostraŭ. U kancy červienia 2022 hoda rasiejcy pakinuli Źmiainy. U pačatku lipienia nad vostravam byŭ uźniaty ŭkrainski ściah.

U subotu ŭkrainskija miedyja apublikavali videa naviedvańnia vostrava Uładzimiram Zialenskim, kiraŭnikom Ofisa prezidenta Andrejem Jermakom i kiraŭnikom raźviedki Kiryłam Budanavym.

«Samaja ciomnaja noč zaŭsiody pierad śvitańniem. Hety śvitanak na Źmiainym byŭ natchnialnym. Vostraŭ Pieramohi, jaki naviedali razam z prezidentam i kamandaj. Pieramohi ŭkrainskaha naroda nad rasijskaj ardoj. 500 dzion… 9 hadoŭ vajny…

My ŭsio vierniem. I budziem sustrakać ukrainskija śvitanki. Najlepšyja śvitanki na hetaj ziamli. Słava našamu narodu», — napisaŭ potym u telehramie kiraŭnik Ofisa prezidenta Andrej Jarmak.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?