Hitanas Naŭsieda

Hitanas Naŭsieda

«Dramatyzm byŭ vielmi vysoki, i ŭ niejki momant u mianie, biezumoŭna, byli padstavy bajacca, abo tekst moža raptam stać našmat horšy, abo ŭ im buduć prapuščany rečy, jakija nadzvyčaj važnyja dla nas i dla Ukrainy», — skazaŭ prezident Litvy.

Hitanas Naŭsieda dadaŭ, što razumieje emocyi Zialenskaha, ale ŭ toj ža čas jon uśviedamlaŭ, što «my ŭžo dasiahnuli maksimumu i lubaja sproba pajści dalej razburyć sam Vilenski samit».

«Ja kažu heta vielmi adkazna. Heta mahło adbycca. Hetaha nie adbyłosia, i mienavita tamu my siońnia havorym u zusim inšym tonie.

Urešcie, i prezident Zialenski, jak vy vielmi dobra bačyli na nastupny dzień, havaryŭ zusim inšym tonam. I ja, biezumoŭna, vitaju rašeńni, jakija byli pryniatyja ŭ Vilni», — skazaŭ Naŭsieda.

Pa darozie ŭ Vilniu na samit NATA Zialenski rezka napisaŭ u tvitary, što ciapier siarod sajuźnikaŭ niama hatoŭnaści ni zaprasić Ukrainu ŭ NATA, ni zrabić jaje čalcom Aljansu.

Pa infarmacyi miedyja, ukrainskaja delehacyja sprabavała takim čynam paŭpłyvać na chod dyskusij u ramkach NATA, ale reakcyja była advarotnaj. Asabliva razzłavalisia ZŠA, jakich pra paviedamleńnie ŭ sacsietkach nie papiaredžvali, što prymusiła ŭmiašacca brytanskuju i častkova niamieckuju delehacyju.

Čytajcie taksama:

«Možam ranicaj pračynacca i dziakavać ministru asabista». Zialenski adkazaŭ na paproki brytanskaha ministra abarony

«Hałoŭny pakazčyk — talerki byli pustyja». Šef-kuchar samitu NATA raskazaŭ, jak sutki nie spaŭ, hatujučy dla vysokich haściej

Zialenski ŭ Vilni spyniaŭsia ŭ hateli «Narač»

Клас
3
Панылы сорам
3
Ха-ха
8
Ого
2
Сумна
1
Абуральна
1