Młyn va Ušačach achoŭnaha statusu nie mieŭ. Ale takija abjekty zaŭsiody majuć kaštoŭnaść jak śviedčańnie pramysłovaha raźvićcia rehijona.

Krajaznaŭcy adznačajuć, što ŭ Viciebskaj vobłaści nazirajecca cełaja kampanija pa padryvie ŭsiaho staroha. «Padraździaleńni MNS akazvajuć dapamohu pa likvidacyi nieekspłuatavanych budynkaŭ i zbudavańniaŭ» — tak nazyvajuć heta tyja, chto źniščaje staryja budynki.

«Kožny hod MNS daje spravazdaču, kolki ŭsiaho było źniščana, byccam heta niejkaje dasiahnieńnie, a nie pakazčyk zaniadbanaści rehijona ŭ cełym», — kamientuje historyk na ŭmovach ananimnaści.

Tak u Aśviei ŭzarvali muravany budynak, źnieśli siadzibu ŭ v. Dvor Homiel, siadzibu Chluścinych u Arechaŭsku i h. d.

Dniami voś vyjaviłasia, što pad Połackam źniščyli kazarmy.

Niadaŭna ŭ Smalanach (Aršanski rajon) vyrašyli znosić dva budynki: adnapaviarchovy, 1880 h. p., i dvuchpaviarchovy, 1901 h. p. Bo miascovy kaledž, na bałansie jakich jany byli, nie ŭ stanie ich utrymlivać. Na znos vydatkoŭvajecca 16 tysiač rubloŭ, znosić płanujuć vosieńniu.

Клас
3
Панылы сорам
5
Ха-ха
0
Ого
3
Сумна
5
Абуральна
85