Tak vyhladaje dom paśla vybuchu hazu, jaho daviadziecca znosić. Fota: MNS

Tak vyhladaje dom paśla vybuchu hazu, jaho daviadziecca znosić. Fota: MNS

U toj dzień kala 19:40 u milicyju pryjšło paviedamleńnie pra vybuch u starym cahlanym dvuchpaviarchovym domie. Na miescy supracoŭniki MNS vyśvietlili, što adbyŭsia vybuch u dvuchpakajovaj kvatery na druhim paviersie. Pažarniki vyratavali jaje haspadara, 73-hadovaha piensijaniera, jaho vynieśli z kvatery i špitalizavali.

U vyniku vybuchu bolš za ŭsio paciarpieli kvatery samoha mužčyny i jaho susiedki 1930 hoda naradžeńnia. Pažyłaja žančyna taksama była doma, ale pry nadzvyčajnym zdareńni nie paciarpieła. Akramia taho, u domie abvalilisia pierakryćci, byli razburanyja ścienavyja pieraharodki i vybityja šyby.

Pakolki mnohija kvatery ŭ toj čas byli pustyja, to abyšłosia bieź inšych paciarpiełych. Ale paśla nadzvyčajnaha zdareńnia dom daviałosia pryznać nieprydatnym dla žyćcia, jaho ciapier pavinny źnieści. Naniesienuju škodu acanili ŭ 96 tysiač biełaruskich rubloŭ, a try čałavieki zastalisia biez dachu nad hałavoj.

Pieršapačatkova razhladałasia viersija, što zdareńnie było vynikam parušeńnia praviła ekspłuatacyi hazavych pryład, ale nieŭzabavie vyśvietliłasia, što mužčyna padarvaŭ haz naŭmysna, sprabujučy skončyć žyćcio samahubstvam. Spačatku jon pierarezaŭ šłanh hazu kala plity, a pad viečar, kali kvatera napoŭniłasia hazam, čyrknuŭ zapałkaj i adbyŭsia vybuch. Adnak, nasupierak płanam, piensijanier padčas hetaha vybuchu vyžyŭ.

Padčas śledstva jon zajaviŭ, što ŭ apošnija hady ŭ jaho pamior syn, pahoršyłasia zdaroŭje, a praz kataraktu stračany zrok. Mužčyna kazaŭ, što pakutuje ad adzinoty i nie moža dać rady ciazie da ałkaholu. Jon daŭno dumaŭ pra roznyja sposaby pajści z žyćcia, ale abraŭ toj, na jaki chapiła sił, bo apošnim časam «zusim aślep i ź ciažkaściu pierasoŭvaŭsia praz ahulnuju słabaść». Choć adrazu paśla vybuchu kazaŭ ratavalnikam, što chacieŭ vypić harbaty, a šłanh parezaŭ vypadkova, razrazajučy kaŭbasu.

Vyśvietliłasia, što za niekatory čas da nadzvyčajnaha zdareńnia piensijanier lačyŭsia ŭ psichlakarni praz suicydalnyja dumki, i milicyja z hetaj ža pryčyny pravodziła pravierku. U jaho byli dyjahnazy «arhaničnaje rasstrojstva asoby» i «ałkahalizm».

Ekśpierty pryjšli da vysnoŭ, što ŭ momant złačynstva abvinavačany nie moh u poŭnaj miery ŭśviedamlać značeńnia svaich dziejańniaŭ i kiravać imi, ale ŭsio ž jaho paličyli psichičnym zdarovym. Fihuranta pryznali vinavatym u naŭmysnym źniščeńni čužoj majomaści, ździejśnienym ahulnaniebiaśpiečnym sposabam, što paciahnuła ciažkija nastupstvy i škodu ŭ asabliva bujnym pamiery (č.3 art. 218 Kryminalnaha kodeksa Biełarusi). Prysud jamu — 9 hadoŭ kałonii ŭzmocnienaha režymu i prymusovaje psichijatryčnaje lačeńnie dy lačeńnie ad ałkahalizmu.

Akramia taho, piensijaniera abaviazali vypłacić susiedziam materyjalnuju škodu ŭ sumie amal 20 tysiač biełaruskich rubloŭ, a taksama sudovyja vydatki.

Čytajcie taksama:

U Červieńskim rajonie traktaryst skasiŭ viaskoŭca, jaki spaŭ u travie

U Hłybockim rajonie piacihadovaja dziaŭčynka ŭpała ŭ 10-mietrovy kałodziež. Dapamoh vyratavacca susied

Minčuk skraŭ u minaka partfiel i pradaŭ jaho telefon za śmiešnyja hrošy. A tam taksama byli doški sadchu

Клас
0
Панылы сорам
17
Ха-ха
1
Ого
1
Сумна
15
Абуральна
3