Cyń Han / Terje Pedersen/Pool photo via AP

Cyń Han / Terje Pedersen/Pool photo via AP

57-hadovy Cyń Han źniaty z pasady ministra, paviedamlaje aficyjnaje kitajskaje vydańnie Global Times. Jon zajmaŭ jaje z 30 śniežnia 2022 hoda. Apošni miesiac jon nie źjaŭlaŭsia na publicy, što naradziła proćmu kanśpirałahičnych teoryj.

Dla 69-hadovaha Van I pryznačeńnie ministram było b panižeńniem. Raniej jon zajmaŭ pasadu ministra z 2013 da pačatku 2023 hoda, paśla čaho byŭ pavyšany da pasady kiraŭnika adździeła Centralnaha kamiteta Kampartyi, jaki kiruje zamiežnaj palitykaj. Najchutčej, adnak, Van budzie prosta časova spałučać pasady ministra i ŭ CK, pakul nie budzie pryznačany novy ministr.

U čym pryčyna raptoŭnaj apały Cyń Hana i dzie jon, pakul nieviadoma.

Žyćcio i dziejnaść kamunistyčnaj viarchoŭki Kitaja achutanyja sakretnaściu.

Cyń Han pierad pryznačeńniem ministram byŭ pasłom Kitaja ŭ ZŠA. Jašče raniej jon byŭ namieśnikam ministra zamiežnych spraŭ i pasłom u Brytanii. 

Čytajcie taksama:

Ministr zamiežnych spraŭ Kitaja ŭžo miesiac nie źjaŭlaŭsia na publicy. Vakoł źniknieńnia cyrkulujuć čutki

Клас
0
Панылы сорам
1
Ха-ха
5
Ого
4
Сумна
0
Абуральна
1