Akijaničny batyskaf «Tytan» kampanii OceanGate, jaki razam z usim ekipažam byŭ źniščany jašče ŭ červieni pad ciskam vady praź niajakasnuju kanstrukcyju batyskafa. Fota: aficyjny sajt OceanGate

Akijaničny batyskaf «Tytan» kampanii OceanGate, jaki razam z usim ekipažam byŭ źniščany jašče ŭ červieni pad ciskam vady praź niajakasnuju kanstrukcyju batyskafa. Fota: aficyjny sajt OceanGate

Hiljerma Sionłajn, cuzasnavalnik skandalna viadomaj kampanii OceanGate, čyj batyskaf ź ludźmi na borcie paciarpieŭ krušeńnie na hłybini akijana praź niajakasnuju zborku transpartnaha srodku, choča adpravić tysiaču ludziej na płanietu Vieniera.

Pra heta 28 lipienia paviedamiła vydańnie Business Insider.

Na dumku biznesmiena, lubyja situacyi pad vadoj i ŭvohule dośvied padvodnych daśledavańniaŭ iduć na karyść bolš hłabalnaj mety — vychadu čałaviectva pa-za naturalnyja miežy jaho pražyvańnia.

Dla hetaha ŭ jakaści pačatkovaha etapu, pavodle pierakanańniaŭ Sionłajna, možna pasprabavać adpravić ludziej na Vienieru da 2050 hoda, niahledziačy na vielmi niespryjalnuju atmaśfieru płaniety i nie zaŭsiody ŭdałyja padvodnyja daśledavańni na Ziamli.

«Ja dumaju, što maja ideja ź Vienieraj mienš ambicyjnaja i składanaja, čym, naprykład, płany Maska adpravić miljon čałaviek na Mars da 2050 hoda. Viedaju, što heta vykliča ździŭleńnie, ale sapraŭdy, čamu b čałaviectvu nie pasprabavać žyć na Vieniery? Tym bolš što ŭ nas jość dośvied padvodnych daśledavańniaŭ na Ziamli, što vielmi padobna da pracy ŭ kosmasie», — padzialiŭsia Hiljerma Sionłajn z vydańniem Business Insider.

Pavodle jaho słoŭ, paśpiachovaje vyžyvańnie adnoj tysiačy čałaviek na Vieniery «tearetyčna mahčymaje», bo na vyšyni kala 50-ci kiłamietraŭ ad pavierchni płaniety «tempieratura i cisk buduć bolš aptymalnymi dla ludziej». 

Biznesmien upeŭnieny, što paśpiachovaje budaŭnictva kaśmičnaj stancyi ŭ abłokach Vieniery da 2050 hoda razam ź pierasialeńniem tudy ludziej «u pryncypie moža być realizavana». 

«Kali b kaśmičnuju stancyju možna było sprajektavać tak, kab supraćstajać siernaj kisłacie ŭ abłokach, to sotni ci tysiačy ludziej kali-niebudź mahli b žyć u atmaśfiery Vieniery. U pryncypie, heta možna zrabić da 2050 hoda, dy i ŭvohule — heta maja mara. Nu i zrazumieła, što ŭ płanach taksama budzie pastupovaje źnižeńnie vydatkaŭ na ekspłuatacyju našych kaśmičnych palotaŭ, kab my mienš zaležali ad dziaržaŭnych prahram», — adznačyŭ suzasnavalnik kampanii OceanGate.

Zasnavalniki kampanii OceanGate Stoktan Raš (źleva) i Hiljerma Sionłajn (sprava). Raš byŭ u liku piaci čalcoŭ ekipaža batyskafa «Tytan», što zahinuli praź vialiki cisk vady i defiekty ŭ kanstrukcyi batyskafa. Fota: WikiBio

Zasnavalniki kampanii OceanGate Stoktan Raš (źleva) i Hiljerma Sionłajn (sprava). Raš byŭ u liku piaci čalcoŭ ekipaža batyskafa «Tytan», što zahinuli praź vialiki cisk vady i defiekty ŭ kanstrukcyi batyskafa. Fota: WikiBio

Charakterna, što mienavita skaračeńnie vydatkaŭ na ekspłuatacyju i žadańnie sekanomić pabolš hrošaj stała adnoj z pryčyn katastrofy na batyskafie «Tytan» u červieni hetaha hoda, u kanstrukcyi jakoha byli defiekty, a lubaja krytyka ci ahałoska hetaha padaŭlalisia kiraŭnictvam kampanii OceanGate.

Udvaja cikava, što siarod zahinułych na «Tytanie» byŭ Stoktan Raš, hienieralny dyrektar i hałoŭny zasnavalnik kampanii OceanGatie, jakaja i sprajektavała batyskaf i čyj suzasnavalnik Hiljerma Sionłajn ciapier płanuje adpravić tysiaču čałaviek na Vienieru z pastupovym pamianšeńniem zatrat na ich dastaŭku i abstalavańnie.

Čytajcie taksama:

Batyskaf paciarpieŭ krušeńnie ad impłozii. Tłumačym, što takoje impłozija

«Ja nutrom adčuvaŭ kiepskaje» — Džejms Kemieran pra trahiedyju batyskafa «Tytan»

Jak na Vieniery: navukoŭcy znajšli miesca na Ziamli, kudy padaje bolš za ŭsio promniaŭ

Клас
2
Панылы сорам
7
Ха-ха
1
Ого
0
Сумна
0
Абуральна
2

Chočaš padzialicca važnaj infarmacyjaj ananimna i kanfidencyjna?