Mapa hukaŭ Tokia (Map of the Sounds of Tokyo)
Hišpanija — Japonija, 2009, kalarovy, 109 chv.
Režysiorka: Izabel Kajšet
Roli vykonvajuć: Rynka Kikučy, Sieržy Łopies, Min Tanaka, Manabu Ošya, Takiea Nakachara, Chidea Sakaki
Žanr: art-haŭznaja kryminalnaja mieładrama
Adznaka: 4 (z 10)
Cichaja japonskaja zabojca Ru pracuje na načnym rybnym rynku, kab nie abciažarvać siabie dumkami. Joj zamaŭlajuć likvidavać Devida, ispanskaha handlara vinami, jakomu japonski biznesoviec nie moža daravać samahubstva svajoj dački. Prafiesijnaja kilerka biarecca za spravu, ale ŭmiešvajucca pačućci…
Karcina Izabel Kajšet — internacyjanalnaja. Ssivieły hukaapieratar źbiraje šumy Tokio. Seksualnyja sceny — fłešmoby čužych pačućciaŭ. Usie stamilisia: hierainia, jakaja dajadaje apošni rysavy piražok, hišpaniec — charyzmatyčny Sieržy Łopiesa, stary hukaapieratar, jaki nieviadoma čaho čakaje.
Ale bolej za ŭsich stamiŭsia hladač. Stužka — čarhovaja napyšlivaja skarha na duchoŭnuju pusteču, ź jakoj nie vyvodzić i śmierć.
Ale stužka jašče tydzień na ekranach — u «Domie kino», z aryhinalnym hukam i subtytrami na rasiejskaj movie.
