Jašče na pačatku maja hłybockija milicyjanty apoŭnačy zatrymali dačku žurnalista Źmitra Łupača Śviatłanu. U toj dzień jana adpačyvała na Hłyboččynie razam ź siabrami, milicyjanty pryjechali ŭ samy razhar adpačynku i spačatku zatrymali ŭsich, ale paśla vypuścili i pakinuli ŭ milicyi adnu Śviatłanu, paviedamlaje «Viciebskaja viasna».

Fota ŭziataje z archiŭnaj viersii staronki dziaŭčyny Ukantakcie

Fota ŭziataje z archiŭnaj viersii staronki dziaŭčyny Ukantakcie

Sudździa Andrej Tarasievič 3 maja pakaraŭ jaje spačatku 10 sutkami pa č. 2 art. 19.11 KaAP (raspaŭsiud ekstremisckich materyjałaŭ). Paśla hetaha nad joj byŭ jašče adzin sud, padčas jakoha dziaŭčynie prysudzili jašče 25 bazavych vieličyniaŭ štrafu.

Paźniej Śviatłanu pieraviali ŭ Viciebskaje SIZA, joj inkryminujuć «narodny» art. 342 KK (arhanizacyja abo padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich).

Hłybocki žurnalist Źmicier Łupač źjechaŭ ź Biełarusi ŭ lipieni 2021-ha hoda.

Клас
2
Панылы сорам
1
Ха-ха
0
Ого
0
Сумна
2
Абуральна
22