Jak raniej paviedamlałasia, adnoj z pryčyn uciokaŭ śledčaha byŭ kryminalny pieraśled žonki Pachołka. Pracujučy śpiecyjalistam inžynierna-aeradromnaj słužby vajskovaj čaści 65408, dzie mieściłasia rasijskaja avijatechnika, jana była zatrymanaja za pieradaču źviestak siastry, žycharcy ZŠA, što stała padstavaj dla zaviadzieńnia kryminalnaj spravy.

Pa słovach znajomych, u baranavickim SIZA, dzie ŭtrymlivałasia Aksana Pachołak, u jaje zdaryŭsia niervovy zryŭ i jaje špitalizavali. Z balnicy žonka śledčaha źbiehła, i siamja źnikła.

Pachołak pracavaŭ śledčym z 2013 hoda. U intervju «Miedyja-Paleśsiu» jon adznačaŭ, što łuniniecki adździeł SK — heta zhurtavanaja kamanda, usie supracoŭniki ŭ svajoj halinie dobryja śpiecyjalisty, prafiesijanały… Niezadoŭha da adjezdu śledčy padoŭžyŭ kantrakt na słužbie, za što atrymaŭ hrašovuju kampiensacyju.

Paśla taho, jak u dačynieńni da jahonaj žonki Aksany raspačali kryminalnuju spravu, Pachołak napisaŭ rapart ab zvalnieńni pa stanie zdaroŭja, adnak źjechaŭ ź siamjoj, nie dačakaŭšysia rašeńnia i praihnaravaŭšy zabaronu na vyjezd siłavikoŭ biez dazvołu vyšejšych orhanaŭ.

Paśla źniknieńnia Pachołka z pasady syšoŭ u adstaŭku načalnik rajadździeła Śledčaha kamiteta Andrej Łukaševič.

Pieršapačatkova Pachołki vystaŭlali ŭ fejsbuku fota z Hruzii. Siarhiej Pachołak navat zapisaŭ videazvarot «da ŭsich, chto jaho pamiataje». Ciapier pa apublikavanych u adkrytym dostupie fatahrafijach bačna, što siamja znachodzicca ŭ ZŠA, dzie žyvie siastra Aksany, ź jakoj jana dzialiłasia sakretnaj infarmacyjaj z vajskovaj čaści.

Čytajcie taksama:

«U łahiery nie chaciełasia ni spać, ni jeści». Byłoha biełaruskaha pamiežnika, jakoha ŭ Litvie pryznali niebiaśpiečnym, pieradali Polščy

Śpis Frumana ŭ dziejańni. Hramadzianin Izraila abviaściŭ uznaharodu za siłavikoŭ, jakija ździekavalisia ź jaho ŭ 2020 hodzie

Jak u KDB visiać partrety nie Łukašenki, a Pucina, jak trapiŭ u «kamieru śmiarotnikaŭ» i jak staŭ śviedkam sproby ŭciokaŭ palityčnaha — mocny apovied byłoha palitviaźnia

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?