Pašpart z emblemaj ECOWAS — Ekanamičnaj supolnaści zachodnieafrykanskich dziaržaŭ, jakaja vielmi ciesna źviazanaja z Zachadam i asabliva z Francyjaj. Fota: Ecowas.int

Pašpart z emblemaj ECOWAS — Ekanamičnaj supolnaści zachodnieafrykanskich dziaržaŭ, jakaja vielmi ciesna źviazanaja z Zachadam i asabliva z Francyjaj. Fota: Ecowas.int

Błok krain Zachodniaj Afryki ECOWAS, jaki padtrymlivajecca ZŠA, Jeŭropaj, Vialikabrytanijaj i ich sajuźnikami, paviedamiŭ, što płan i scenary vajennaj interviencyi ŭ Nihier užo padrychtavanyja. Pra heta 4 žniŭnia napisała ahienctva Reuters sa spasyłkaj na aficyjnuju zajavu kiraŭnictva ECOWAS.

Tak, kamisar pa miry, biaśpiecy i palityčnych pytańniach błoka ECOWAS Abdel-Fatau Musa zajaviŭ, što pieramovy z prarasijskaj chuntaj Nihiera, jakaja zachapiła ŭładu ŭ krainie, nie pryviali da pośpiechu.

Tamu ministry abarony krain ECOWAS raspracavali płan mahčymaha vajennaha ŭmiašańnia dla źniščeńnia putčystaŭ i adnaŭleńnia demakratyčnaha kanstytucyjnaha ładu ŭ Nihiery.

«Byli prapracavanyja ŭsie detali najbolš imaviernaha vajennaha ŭmiašańnia ŭ Nihier, uklučajučy pytańni resursaŭ, času i miescaŭ dla napadu. Papiaredžvać putčystaŭ ab terminach pačatku apieracyi nichto nie budzie. Hetaje rašeńnie prymuć lidary krain ECOWAS», — zajaviŭ u piatnicu Abdel-Fatau Musa.

Nahadajem, što 30 lipienia krainy ECOWAS vystavili ŭltymatum prarasijskaj chuncie Nihiera, pavodle jakoha jana ŭ tydniovy termin abaviazanaja vyzvalić prezidenta krainy Machamieda Bazuma i adnavić kanstytucyjny ład. U advarotnym vypadku krainy Zachodniaj Afryki z padtrymkaj krain Zachadu mohuć pačać vajennuju interviencyju suprać putčystaŭ. 

Termin ultymatumu zakančvajecca ŭ hetuju niadzielu. Dalej situacyja moža pryvieści da poŭnamaštabnaj vajny ŭ Paŭnočnaj Afrycy, u jakoj sutyknucca siły Zachadu i Rasii. 

Čakajučy mahčymaj ataki, chunta Nihiera, pavodle infarmacyi zachodnich miedyja, zaprasiła najmitaŭ PVK «Vahnier» u krainu, a taksama zapatrabavała ad amierykanskich i francuzskich vojskaŭ nieadkładna pakinuć Nihier. Ale tyja admovilisia.

Čytajcie taksama:

Bajden zaklikaŭ vyzvalić zrynutaha prezidenta Nihiera

Kiraŭniki MUS Litvy i Polščy abmierkavali mahčymuju izalacyju Biełarusi

Ci moža Pryhožyn pierabazavacca ŭ Afryku? Voś što ŭjaŭlaje saboj afrykanskaja sietka PVK «Vahnier»

Клас
41
Панылы сорам
2
Ха-ха
3
Ого
1
Сумна
1
Абуральна
7

Chočaš padzialicca važnaj infarmacyjaj ananimna i kanfidencyjna?