Andre Anana. Fota: Alex Caparros / Getty Images 

Andre Anana. Fota: Alex Caparros / Getty Images 

Siońnia «Mančester Junajted» zhulaŭ tavaryski matč suprać francuzskaha «Łansa». U składzie anhlijskaha kłuba na stadyjonie «Ołd Trafard» vyjšaŭ kamierunski hałkipier Andre Anana, jaki niekalki tydniaŭ tamu pierajšoŭ ź italjanskaha «Intera» za 52,5 młn jeŭra.

Na 23-j chvilinie kamieruniec nieabačliva vyjšaŭ z varot, i Fłaryjan Sataka z centra pola pierakinuŭ za jaho miač.

Što praŭda, MIU zdoleŭ pieramahčy vysiłkami Markusa Rešfarda, Antoni i Kaziamira — 3:1.

Andre Anana ŭ minułym siezonie byŭ pryznany najlepšym hałkipieram Lihi čempijonaŭ, u jaho było vosiem suchich matčaŭ za «Inter» u hetym turniry. Što praŭda, u finale miłanski kłub prajhraŭ «Mančester Sici».

Admietna, što za «Łans» niekalki chvilinaŭ zhulaŭ Abdukadzir Chusanaŭ, jon vyjšaŭ na pole na 86-j chvilinie. Jašče na pačatku lipienia 19-hadovy ŭźbiek hulaŭ za minski «Enierhietyk».

Čempijanat Francyi startuje na nastupnym tydni. «Łans» u pieršym tury zhulaje suprać «Bresta».

Taksama kłub voźmie ŭdzieł u hrupavym raŭndzie Lihi čempijonaŭ. Cikava, ci pryžyviecca były abaronca čempijanatu Biełarusi ŭ novym kłubie.

Čytajcie taksama:

Futbalist z čempijanatu Biełarusi staŭ hulcom topavaha francuzskaha kłuba

Jak luboŭ da futbolnaj kamandy pahubiła italjanskaha mafijozi, jakoha šukali 11 hadoŭ

Vypadak u Lizie čempijonaŭ. Syn zabiŭ kamandzie baćki try hały i vybiŭ jaho z turniru

Клас
3
Панылы сорам
6
Ха-ха
9
Ого
0
Сумна
1
Абуральна
1