Fota: vidsboku.com

Fota: vidsboku.com

Eks-ministr źniała ŭ Pietrušovie dom, piša miascovaje vydańnie Vidsboku.

Addalenaja vioska nie pieršy raz pryciahvaje zamiežnikaŭ, tut kupili viaskovyja chaty francužanki, u adnoj ź jakich arandavała žyllo Karyn Knajsl. U Pietrušovie niama nijakich słavutaściaŭ, ale heta vielmi akuratnaja rasijskaja vioska. Byłaja kiraŭnica MZS Aŭstryi viadzie zusim nie pustelnickaje žyćcio, jana ŭžo paznajomiłasia z mnohimi žycharami.

Fota: vidsboku.com

Fota: vidsboku.com

«Kali jana pryjšła da mianie, my pajšli ŭ parylniu, — raspaviała Dylbar Kłada — arhanizatarka festu pra pieršuju sustreču z Karyn Knajsl. — Kali jana daviedałasia, što ŭ nas jość kłub, to skazała, što mahła b pračytać tam lekcyju».

Karyn Knajsl uznačalvała Ministerstva zamiežnych spraŭ Aŭstryi ŭ 2017—2019 hadach. Jana zaniała pasadu va ŭradzie pa kvocie Aŭstryjskaj partyi svabody, u 2016 hodzie «Adzinaja Rasija» zaklučyła z hetaj partyjaj pahadnieńnie ab uzajemadziejańni i supracoŭnictvie.

Fota: vidsboku.com

Fota: vidsboku.com

Palityk atrymała šyrokuju viadomaść u śviecie paśla taho, jak na jaje viasielli pabyvaŭ prezident Rasii Uładzimir Pucin i patancavaŭ ź niaviestaj, hetyja kadry raspaŭsiudzilisia ŭ internecie. Ale praz hod jana razyšłasia z mužam.

U vieraśni 2020 hoda Karyn Knajsl pierabrałasia ŭ Francyju z-za nibyta pastajannych pahroz zabojstvam. Adnak i adtul była vymušanaja źjechać. Niejki čas žyła ŭ Livanie. U lutym 2021 hoda rasparadžeńniem urada Rasii Knajsl była vyłučanaja ŭ jakaści kandydata ŭ radu dyrektaraŭ kampanii «Rasnafta», a ŭ červieni — abranaja. Ale na hetaj pasadzie prabyła niadoŭha — u sakaviku 2022 hoda, paśla pačatku vajny va Ukrainie, jana paviedamiła kampanii, što nie budzie bałatavacca na druhi termin, a ŭ mai padała ŭ adstaŭku.

Fota: vidsboku.com

Fota: vidsboku.com

Na śviacie ŭ Pietrušovie Karyn siadzieła na łavačcy pad adkrytym niebam razam z žycharami i inšymi haściami. Hladzieła vystupleńni, niešta zdymała na telefon. Na mierapryjemstva jana pryjšła adna. U jakaści pierakładčyka byŭ student Alaksiej, jaki pryjechaŭ na vakacyi. Małady čałaviek adkazvaŭ na pytańni hości i na anhlijskaj movie raspaviadaŭ joj pra toje, što adbyvajecca na scenie.

Asablivyja emocyi ŭ eks-ministra vyklikała pieśnia Aleha Hazmanava «Vpieried, Rasija», jakuju na śviacie vykanaŭ chłopčyk Kościa. Paśla mierapryjemstva Karyn Knajsl padyšła da jaho, pachvaliła i pacisnuła ruku.

U kancy śviata Karyn Knajsl vystupiła pierad hledačami na ruskaj movie.

Fota: vidsboku.com

Fota: vidsboku.com

«Dobry viečar. Tolki krychu razmaŭlaju pa-rusku, razmaŭlaju pa-arabsku, pa-francuzsku, ale maja ruskaja jašče maładaja i maleńkaja. Ciapier žyvu ŭ Pietrušovie, i mnie padabajecca hetaja atmaśfiera. Mnie padabajecca, jak dzieci tut hulajuć. Tut supierkłasnaja atmaśfiera, nie tolki ciapier, ale, pa-mojmu, kožny dzień. Kali hladžu, kury na vulicy, kački, kozy — heta moj śviet, heta taksama moj śviet, bo ja žyła ŭ maleńkaj vioscy ŭ Aŭstryi», — skazała jana.

Žurnalistam jana raskazała, što ŭ Rasii joj była patrebnaja dapamoha. «U mianie było niekalki kantaktaŭ ludziej, jakija dapamahli mnie znajści žyllo, skazali, što jość dom, jaki zdajecca na leta ŭ Rasii. Mnie taksama dapamahajuć vučyć ruskuju. Ja viedaju vosiem moŭ, a voś ruskuju, na žal, tolki pačynaju vučyć», — raskazała Karyn Knajsl.

Jana kaža, što było niaprosta pryjechać na Razanščynu, ale jana starajecca znajści svoj šlach.

«Tut mnie padabajecca, u hetaj vioscy vielmi miła. Ja pačała pracavać, praciahvaju vykładać i vučycca, pišu svaje knihi, vuču movu. Mnie daviałosia pakinuć svajo raniejšaje žyćcio, pačać usio spačatku, a ŭ 60 hadoŭ heta niaprosta», — dadała jana.

Knajsl vypuściła 15 knih, a Pucina apošni raz bačyła ŭ 2019-m.

Toje samaje viasielle, jakoje było piać hadoŭ tamu, 18 žniŭnia 2018 hoda. Fota: Alexei Druzhinin / Sputnik / Kremlin Pool Photo via AP

Toje samaje viasielle, jakoje było piać hadoŭ tamu, 18 žniŭnia 2018 hoda. Fota: Alexei Druzhinin / Sputnik / Kremlin Pool Photo via AP

Клас
6
Панылы сорам
58
Ха-ха
17
Ого
0
Сумна
3
Абуральна
9