Ofis Wargaming u Vilni. Ilustracyjnaje fota: wargaming.com

Ofis Wargaming u Vilni. Ilustracyjnaje fota: wargaming.com

Apošnija tydni roznyja litoŭskija palityki pačali vykazvacca za abmiežavańnie biełarusaŭ u pravach naroŭni z ruskimi, a taksama namiakać, što na najbližejšych pasiadžeńniach Siejma takija prapanovy buduć razhledžanyja i ŭ niejkaj formie pryniatyja. 

Tak, naprykład, premjerka Litvy Inhryda Šymanicie tłumačyć nieabchodnaść pastražeńnia staŭleńnia da biełarusaŭ u Litvie dziejańniami Łukašenki (u tym liku tym, što dazvoliŭ raźmiaścicca ŭ Biełarusi vahnieraŭcam). 

Čytajcie taksama: Premjerka Litvy: Jość niamała padstaŭ dla ŭnifikacyi abmiežavańniaŭ dla biełarusaŭ i rasijan

Niekatoryja materyjały ŭ litoŭskich ŚMI vyhladajuć padrychtoŭkaj hramadskaj dumki pa hetym pytańni. Tak, u Delfi niadaŭna apublikavali historyju pra toje, jak u bary biełarus byccam by dakazvaŭ litoŭcu, što Vilnia — heta biełaruskaja ziamla. 

Usio heta supravadžałasia kamientaryjem litoŭskaha historyka, a taksama zhadvałasia pazicyja litoŭskaha prezidenta nakont nieabchodnaści pastrožyć umovy dla biełarusaŭ u Litvie.

Na fonie hetaha razyšłosia mierkavańnie Darusa Urbonasa, daradcy Hitanasa Naŭsiedy, jaki vykazaŭsia ŭ duchu, što 60 tysiač biełarusaŭ u Litvie — heta zabahata, i kab sankcyi suprać biełarusaŭ uviali raniej, to «hetaja statystyka tak by nie vyhladała». 

Čytajcie taksama: Siejmu treba viarnucca da pytańnia ŭnifikacyi sankcyj suprać biełarusaŭ i rasijan — daradca prezidenta Litvy

Čytajcie taksama: 910 biełarusaŭ pryznali pahrozaj nacyjanalnaj biaśpiecy Litvy

Nahadajem, pry varyjancie abmiežavańniaŭ, jakija dziejničajuć suprać rasijan, biełarusaŭ moža čakać abmiežavańnie na ŭjezd u krainu (dla tych, chto jedzie z turystyčnymi, kulturnymi, pracoŭnymi metami), zabarona na nabyćcio nieruchomaści jak fizičnymi asobami, tak i jurydyčnymi asobami, jakija naležać biełarusam. 

U hetych umovach u «Našu Nivu» dachodzić infarmacyja ab vibracyjach u biełaruska-litoŭskim biznes-asiarodku. 

Najbolšuju kolkaść ludziej u Litvu pieravozili biełaruskija IT-kampanii, jakija pa sukupnaści pryčyn z 2020-ha imknulisia syści z taksičnaj biełaruskaj jurysdykcyi i adhuknulisia na zapeŭnivańni Litvy ŭ tym, što ich čakajuć. 

U biełaruskich kampanijach u Litvie pracujuć tysiačy čałaviek, asobnyja kampanii vybivajucca ŭ lidary pa spłacie padatkaŭ.

Ale situacyja moža źmianicca. 

«My spačatku rełakavali ofis ź Minska ŭ Vilniu na fonie represij suprać svaich supracoŭnikaŭ, a ciapier vyvozim ich ź Vilni. Dla pryniaćcia hetaha rašeńnia nam stała dastatkova tolki taho, što litoŭcy znoŭ zaviali publičnuju dyskusiju ab abmiežavańni biełarusaŭ u pravach. Čakać hetaha my nie budziem i praz dva miesiacy nivodnaha supracoŭnika ŭ Litvie nie zastaniecca, my pierajazdžajem u Polšču», — skazaŭ «Našaj Nivie» kiraŭnik znakamitaj u Biełarusi finansavaj IT-kampanii. U hetaj kampanii rašeńnie pryniali «źvierchu». 

Tak rašeńni prymajucca nie paŭsiul, ale trendy supadajuć. 

«U nas niama takoj dyktatury ŭ kampanii, što voś tut my vas pahruzili, a tut vyhruzili — pracujcie.

Realnaść takaja, što Litvu vybirali našy supracoŭniki sami na fonie vybaru mahčymaści pierajechać u Polšču, Hiermaniju, Hruziju i Kipr. Bolšaść supracoŭnikaŭ vybrała Litvu pa tych pryčynach, što jana blizka da doma, zrazumiełaja kultura, zvykły klimat, spačuvańnie da biełaruskaj trahiedyi i hetak dalej. 

Ale ciapier my nazirajem, što ludzi prosiać pieravodu ź Litvy. U asnoŭnaj masie ŭ Polšču, tamu što na fonie paharšeńnia staŭleńnia da biełarusaŭ (jak minimum, na ŭzroŭni rytoryki) ludzi nie razumiejuć, jak płanavać budučyniu ŭ krainie, adkul ciabie mohuć vyhnać, kali, zdavałasia, ty ŭžo naładziŭ pobyt.

Mnohich prosta niama kudy departavać — doma jany pad pahrozaj pieraśledu za aktyŭny finansavy i fizičny ŭdzieł u pratestach», — skazali nam mieniedžary inšaj znakamitaj biełaruskaj IT-kampanii. 

«Masa ludziej, sapraŭdy, rełakujecca ź Litvy», — dadaŭ mieniedžar siaredniaha źviana ŭ IT-śfiery, jaki ŭžo pierabraŭsia ź Vilni va Urocłaŭ. 

«Aburalnaja prosta arhumientacyja. Łukašenka dla nas pahroza, a tamu my budziem adkazvać jamu praz paražeńnie ŭ pravach biełarusaŭ, jakija akazalisia ŭ Litvie roŭna tamu, što nie padtrymlivajuć absalutna ŭsio toje, što jon robić. Heta pa-čałaviečy kryŭdnaje, niedapuščalnaje staŭleńnie.

U nas maleńki ofis u Litvie, ale ludzi pytajucca, jakuju budučyniu im abiacaje kampanija, jakaja pieraviezła ich u Litvu — da jakoj miažy my možam tut naładžvać žyćcio? A kredyty možam brać? A kali nam zabaroniać kuplać nieruchomaść, što tady budzie?» — vykazaŭ svajo mierkavańnie biznesoviec, jaki znachodzicca ŭ pracesie pieravozu asnoŭnaj častki svajho IT-biznesu ŭ ES. 

Supracoŭnik inšaj IT-kampanii vykazaŭ spadziavańnie, što zakliki asobnych palitykaŭ abmiežavać pravy biełarusaŭ nie pojduć dalej za rytoryku.

«My spadziajomsia, što takoha nie adbudziecca. Pakul što ličym rezkuju rytoryku niekatorych palitykaŭ, u pieršuju čarhu, pracaj na svoj palityčny kapitał», — skazali nam u vialikaj IT-kampanii, jakaja pierabrałasia ŭ Litvu ŭ 2020-m. 

«Zabaŭna budzie, kali pryjdziecca pierajazdžać. My ŭžo nabrali stolki litoŭcaŭ na pracu, što pryjdziecca zabirać u Polšču i ich», — skazaŭ nam mieniedžar kampanii, u jakoj u Litvie bolš za tysiaču supracoŭnikaŭ. 

Čytajcie taksama:

Stali viadomyja 5 najbolšych padatkapłatnikaŭ Litvy ź biełaruskimi karaniami

EPAM abyšła Wargaming pa vypłacie padatkaŭ u Litvie

«Hety praces nie spyniajecca». Jak rełakiejt biełaruskaha biznesu ŭpłyvaje na Biełaruś i susiednija krainy

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?